EZERSÍSIU di’ak ida atu ita halo durante  Semana Santa ne’e mak: avalía ita ida-idak nia aan, hodi leno no sukat ita nia aan ba protagonista sira iha paixaun Kristu nian. Relato evanjelhu nian aprezenta mai ita protagonista barak loos iha semana ida ne’e nia laran. Iha Maria, Pilatus, Herodes, Apóstolu sira, Simão Cireneu, jovem be halai molik, centurião, feto be litik Pedro, no seluk tan barak loos. Ita bele identifika ita nia aan, ita nia kualidade nu’udar dixípulu Jesus nian hodi tetu elementu sira nebe kada protagonista ida aprezenta mai ita. Ita bele dehan katak iha ita ida-idak nia aan, ita bele rekonhese protagonista sira ne’e nia aan iha dimensaun ruma ita nia moris fiar nian. Di’ak no aat oituan-oituan ita hetan hela iha ita nia aan rasik. Iha Evanjelhu ohin, ita hasoru sira na’in tolu: Judas, Simão Pedro, no João.  

MALUK Sarani sira, ohin ita tama ona iha Semana Santa, semana importante liu iha ita nia fiar sarani nian. Semana Santa ne’e hanesan Missa naruk bót ida. Misteriu sira ne'ebé ita selebra iha Eukaristia nia laran, sira ne’e mak ita selebra iha Semana ne’e nia laran: Kristu nia Paixaun, nia Mate, no Nia Moris Hi’as.

DURANTE luta ba restarasaun independênsia, lideransa sira iha tempu ne’eba kompromete ba liberdade expresaun no liberdade media. Iha tinan 2009, nasaun ne’e marka tinan 20 desde povu Timor-Leste vota barak liu hodi independente husi Indonézia hafoin okupasaun tinan 24 ne’ebé loke dalan ba industria media foun. Hafoin Repúblika Demokrátika Timor Leste moris iha 2002, promesa demokrásia balun, hatudu husi garantia konstitusional ba liberdade media. Nasaun ne’e mós sasin ba media imprime, eletrôniku, rádio no portal online sira moris iha tempu krítiku.