Afmend Sarmento
FOIN primeira vez iha istória umanidade no istória Igreja nian maka selebrasaun Páskua realiza de’it entre Bispu no Kleru sira sein prezensa fízika husi kristaun sira ka selebra de’it iha konventu no semináriu sira, laiha selebrasaun públika (via sakra ka prosisaun sira), haktadak ba orientasaun husi Congregação do Culto Divino e a Disciplina dos Sacramentos liuhusi Prot. N.º 153/20, iha númeru datoluk ne’ebé haktuir katak: “Indikasaun sira ba Tríduo Paskál iha ne’ebé autoridade sivil no eklesiál impoein restrisaun, (…). Bispu sira fó indikasaun, liuhusi konferénsia Episkopál, atu nune’e iha Igreja Katedrál no Igreja Parokiál sira, maske sein partisipasaun husi sarani sira, bispu no paróku sira selebra mistériu litúrjiku husi Tríduo Paskál”, nune’e, Konferénsia Episkopál Timorense (CET) deside hodi suspende tiha Misa Paskál nian ba públiku. Efeitu husi surtu coronavírus halo selebrasaun Paixaun Kristu nian ho odamatan Igreja taka ba públiku, la’os ho sentidu tauk no halai ses husi mundu ne’e, maibé hanesan medida prevensaun ne’ebé kontribui husi parte Igreja atu bele prevene propagasaun coronavírus iha ita-nia rain.
