COVID-19: Ular Mosu Iha Hahan Laran

COVID-19: Ular Mosu Iha Hahan Laran

Oekusipost.com Dili – Sidadaun sira iha kuarentena SK Hotel inklui ekipa médiku sira preokupa tebes ba hahan ne’ebé fornese husi empreza Kety Nunes, tanba ular mutin ki’ik ida iha hahan nia-laran. 

Diretór Operasional AIFAESA, Gabriel da Costa hateten, dadersan de’it nia simu informasaun husi Polisia Nasionál ba Investigasaun Kriminal no Sentru Integradu ba Jestaun Krize informa ba AIFAESA katak sidadaun kuarentena sira atu han hahan dader nian mak hetan fali ular iha hahan laran. 

Nia hatutan, AIFAESA sei hare ida ne’e tuir dekretu lei 23/2009 iha artigu 13 alinea A katak hahan estragus ona. 



 

“Sei halo auto-notisia kontra empreza ne’e no sei submete ba prosesu judisial,” hatete Gabriel ba jornalista sira iha SK Hotel, Metiaut, Dili Sábadu 18 Abril 2020.  

Kona-bá kestaun ne’e, jestor empreza Kety Nunes, Macabeus dos Reis rekoñese ular mutin ki’ik ida mak mosu iha na’an manu laran, no ida ne’e foin mak akontese, maibé fornesimentu hahan durante ne’e la’o di’ak hela. 

Nia hatutan, antes empreza Kety Nunes fornese hahan ba sidadaun sira iha SK Hotel ne’e, iha ona empreza seluk, maibé nafatin mosu lamentasaun husi sidadaun kuarentena sira, no ikus mai empreza ne’e hetan fali oportunidade hodi hatama hahan. 

“Maibé, ohin mak foin mosu problema hanesan ne’e, ami la mós la espera, maibé akontese ona, ami mós simu sala. Sira hela iha laran mós mesak Timoroan de’it, mesak ita nia ran maluk de’it, ne’ebé ita laiha hanoin a’at atu fó hahan a’at ba sira,” hateten Macabeus. 

Nia mós husu ba AIFAESA atu kontrola mós supermekadu sira ne’ebé fa’an na’an manu, tanba na’an manu ne’e kompañia mós sosa tutan husi supermerkadu sira iha Dili laran. 

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

COVID-19: Ular Mosu Iha Hahan Laran
Watch the video

Oekusipost.com Dili – Sidadaun sira iha kuarentena SK Hotel inklui ekipa médiku sira preokupa tebes ba hahan ne’ebé fornese husi empreza Kety Nunes, tanba ular mutin ki’ik ida iha hahan nia-laran. 

Diretór Operasional AIFAESA, Gabriel da Costa hateten, dadersan de’it nia simu informasaun husi Polisia Nasionál ba Investigasaun Kriminal no Sentru Integradu ba Jestaun Krize informa ba AIFAESA katak sidadaun kuarentena sira atu han hahan dader nian mak hetan fali ular iha hahan laran. 

Nia hatutan, AIFAESA sei hare ida ne’e tuir dekretu lei 23/2009 iha artigu 13 alinea A katak hahan estragus ona. 



 

“Sei halo auto-notisia kontra empreza ne’e no sei submete ba prosesu judisial,” hatete Gabriel ba jornalista sira iha SK Hotel, Metiaut, Dili Sábadu 18 Abril 2020.  

Kona-bá kestaun ne’e, jestor empreza Kety Nunes, Macabeus dos Reis rekoñese ular mutin ki’ik ida mak mosu iha na’an manu laran, no ida ne’e foin mak akontese, maibé fornesimentu hahan durante ne’e la’o di’ak hela. 

Nia hatutan, antes empreza Kety Nunes fornese hahan ba sidadaun sira iha SK Hotel ne’e, iha ona empreza seluk, maibé nafatin mosu lamentasaun husi sidadaun kuarentena sira, no ikus mai empreza ne’e hetan fali oportunidade hodi hatama hahan. 

“Maibé, ohin mak foin mosu problema hanesan ne’e, ami la mós la espera, maibé akontese ona, ami mós simu sala. Sira hela iha laran mós mesak Timoroan de’it, mesak ita nia ran maluk de’it, ne’ebé ita laiha hanoin a’at atu fó hahan a’at ba sira,” hateten Macabeus. 

Nia mós husu ba AIFAESA atu kontrola mós supermekadu sira ne’ebé fa’an na’an manu, tanba na’an manu ne’e kompañia mós sosa tutan husi supermerkadu sira iha Dili laran. 

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE