DILI (TOP) - Akordu entre governu Timor-Leste ho Santa Sé ne’ebé asina iha loron 14 Agustu 2025 no 16 Juñu 2027 hamosu konkordansia katak, tinan-tinan governu Timor-Leste tenke aprova subvensaun anuál ba Konferénsia Episkopál Timorense (CET) tuir disponibilidade finanseira governu nian.
Baze ba akordu ida ne’e mak iha loron Kuarta, 25 Marsu 2026, Vise-Primeiru-Ministru no Ministru Koordenadór ba Asuntu Sosial no Ministru Dezenvolvimentu Rurál no Abitasaun Komunitária, Mariano Assanami Sabino aprezenta ba iha reuniaun Konsellu Ministru sira delibera hodi autoriza realizasaun despeza dolar amerikanu millaun 15 ba CET, atu ezekuta durante tinan 2026.
Komunikadu ba Imprensa husi reuniaun Konsellu Ministru sira katak, subvensaun anuál ba Konferénsia Episkopál Timorense ne’e hala’o tuir akordu ne’ebé asina iha loron 14 fulan-agostu tinan 2015 entre Timor-Leste no Santa Sé, no mós Akordu-Kuadru ne’ebé asina iha loron 16 fulan-juñu tinan 2017 entre Governu no CET, ne’ebé prevee kontribuisaun anuál, tuir disponibilidade finanseira Governu nian, ba atividade sira ho karater sosiál, edukativu no governu ekleziál Igreja Katólika nian.
