FRETILIN maioria okupa sekretáriu rejionál iha Ambeno

MAHATA (TOP) – Rezultadu politika viabiliza la’os halo membru governu ne’ebé mai husi FRETILIN domina de’it iha estrutura governu sentral, maibé domina mós iha estrutura sekretáriu rejional sira iha Rejiaun Administrativu Espesial Oe-Kusi Ambeno (RAEOA).

Prezidente Autoridade ba Rejiaun Administrativu Espesial Oe-Kusi Ambeno, Arsenio Paixão Bano (FRETILIN) fó ona tomada posse ba nia membru autoridade sira hamutuk nain 7 ho nia adjuntu nain rua iha loron Sábadu 1 Agusto 2020 iha portu Iwao Kita Hara, Mahata, Oe-Kusi Ambeno.

Hare husi kompozisaun estrutura ne’e iha ema nain 6 mak mai husi FRETILIN, ida husi PLP no ida seluk husi KHUNTO. FRETILIN la’os nu’udar partidu manan nain iha eleisaun antisipada iha tinan 2018, maibé hafoin mosu impase politika desde 2017 to’o ohin loron, halo FRETILIN nia membru sira domina husi rohan ba rohan.

Sekretáriu rejionál sira mak hanesan:

  1. Primeira adjunta Prezidente Autoridade no Sekretária Rejionál ba asuntu politika formasaun institusional, Leonia Monteiro (FRETILIN)
  2. Segundu adjuntu no Sekretáriu Rejionál ba asuntu Sosial, Maximiano Neno (FRETILIN)
  3. Sekretáriu Rejionál ba asuntu Edukasaun no Solidariedade Sosial, Avelina da Costa (FRETILIN)
  4. Sekretária Rejionál Finansas, Elisa Maria Maniquin (FRETILIN)
  5. Sekretáriu Rejionál Agrikultur no Dezenvolvimentu Rural, José Eta (FRETILIN)
  6. Sekretáriu Rejionál Saúde, Manuel da Costa (FRETILIN)
  7. Sekretáriu Rejionál ba asuntu Administrasaun, Martinho Abani Elo (PLP)
  8. Sekretáriu Rejionál Komersiu no Industria, Pedro da Cunha Boquifai da Silva (KHUNTO)
  9. Sekretáriu Rejionál Terras no Propriedade, António Hermenegildo da Costa (Independen).

Entretantu, estrutura governu sentrál ne’ebé mak domina husi FRETILIN mak hanesan:

  1. Vise-Primeiru-Ministru, José Maria dos Reis
  2. Ministru Koordenadór Asuntus Ekonómikus, Joaquim Amaral
  3. Ministru Asuntus Parlamentares no Komunikasaun Sosiál, Francisco Martins Da Costa Pereira Jerónimo
  4. Ministru Finansas, Fernando Hanjam
  5. Ministra Negósius Estranjeirus no Kooperasaun, Adaljiza Albertina Xavier Reis Magno
  6. Ministru Administrasaun Estatál, Miguel Pereira De Carvalho
  7. Vise-Ministru Administrasaun Estatál, Lino de Jesus Torrezão
  8. Ministra Saúde, Odete Maria Freitas Belo
  9. Ministru Edukasaun, Juventude no Desportu, Armindo Maia
  10. Ministru Planu no Ordenamentu, José Maria dos Reis
  11. Ministru Petróleu no Minerais, Víctor da Conceição Soares
  12. Ministru Turizmu, Komérsiu no Indústria, José Lucas do Carmo da Silva
  13. Vise-Ministru Komérsiu no Indústria, Domingos Lopes Antunes
  14. Vise-Ministra Turizmu Komunitáriu no Kulturál, Inácia da Conceição Teixeira
  15. Sekretáriu Estadu Juventude no Desportu, Abrão Saldanha
  16. Sekretáriu Estadu Kooperativas, Elizário Ferreira 
Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE