Juventude Ambeno nain 30 kapasita aan iha Bansone

SIKLULI (TOP) – Juventude hamutuk nain 30 oras ne’e tuir hela formasaun profisionál iha Sentru Formasaun Profisionál Bansone, Oe-Kusi Ambeno.

Diretór SEFOPE Rejiaun Administrativu Espesiál Oe-Kusi Ambeno (RAEOA), Tarcisio da Costa katak, total formandu sira hala’o hela formasaun iha sentru formasaun Bansone ne’ebé lokaliza iha suku Lalisuk, Sub-rejiaun (Postu) Pante Makassar hamutuk nain 30 ne‘ebé fahe ba nain 15 iha área kontrusaun jeral, no nain 15 seluk ba área ospitalidade.

Tarcisio hatutan, durante periodu Estadu emerjensia prosesu formasaun suspende tiha hafoin re-ativa iha loron 25 liuba.

“Kona-ba formasaun iha área konstrusaun jerál seksaun 5 hanesan, kanalizasaun, eletrisidade, soldadura, karpintária no albenaária, no ospitalidade ida ne’e ita nia sentru formasaun forma ita nia formandu sira ho área sira ne’e iha etapa daruak ona,” hateten diretor Tarcisio ba The Oe-Kusi Post iha nia serbisu fatin Sikluli, Oe-Kusi Ambeno foin lalais.

Tarcisio konta operasaun sentru formasaun Bansone ne’ebé hahu la’o iha tinan 2018 to’o oras ne’e konsege produz ona joven ho abilidade oioin hamutuk nain 45 iha faze dahuluk, no ba faze daruak nian mak oras ne’e sei tuir hela formasaun, no planeia atu halo graduasaun iha fulan Outubru ne’e nia rohan.

“Ita nia fasilidade sufisiente uza ba teoria no prátika fulan 6, teoria fulan 2 depois estajiu”.

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE

Online Counter