Vitima dezastre naturál nain 117 seidauk hetan apoiu iha Ambeno

SANTA-ROSA (TOP) – Uma kain hamutuk 117 ne’ebé sai vitima ba dezastre naturál iha rai-ketan Oe-Kusi Ambeno durante tinan ha’at (4) ona seidauk hetan apoiu emerjensia tantu husi governu lokál, no sentrál.

Xefe Departementu Solidariedade Sosial ba Rejiaun Administrativu Espesiál Oe-Kusi Ambeno (RAEOA), Adelino Cau mós rekoñese vitima hirak ne’e desde tinan 2016 to’o ohin loron seidauk hetan ajudu emerjensia maske nia rasik hatama ona dadus hirak ne’e ba iha Ministériu Solidariedade Sosial no Inkluzaun iha tinan 2017, maibé seidauk hetan resposta.

“Orsamentu maka la sufisiente. Razaun atraza tanba pedidu ne’e ami halo kedan iha 2017, maibé orsamentu la kobre ami nia pedidu, entaun husik nune’e de’it to’o foin lalais Sekretáriu foun ne’e mai maka ha’u aprezenta tan, tanba tarde liu ona,” hateten Adelino Cau ba The Oe-Kusi Post iha nia serbisu fatin, Santa Rosa, Oe-Kusi Ambeno, Sesta 2 Outubru 2020.

Xefe Departamentu husi Sub-rejiaun Pasabe ne’e katak, maske atraza, maibé hahu identifika tan ona atu to’o bainhira hetan ona apoiu karik bele koloka ba kategoria idak-idak.

“Vitima sira ita prosesa ona, sira ne’ebé tama kategoria atu hetan material konstruksaun hamutuk 117, ne’e tama ona iha preparasaun distribui material ba sira, Sekretáriu Estadu Protesaun Sivil iha ne’eba maka sei trata ne’e ba sira,” esplika eis FALINTIL ne’e.

Eis Administrador Postu Passabe iha tempu Indonézia ne’e katak, kona-ba sira foun ne’e lor-loron proposta tama sempre atende sira atu bele hetan apoiu emerjensia ruma husi MSSI, depois hein fali atu halo re-verikasaun atu bele hatene kategoria nune’e bele koloka sira hetan material konstruksaun sira hanesan, ahi han uma, uma monu anin huu uma, no dezastre seluk tan. 

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE

Online Counter