Osan hamutuk millaun $76 ba RAEOA “la klaru”

DILI (TOP) – Bankada opozisaun CNRT iha Parlamentu Nasionál preokupa no kestiona transparénsia alokasaun osan ba Rejiaun Administrativu Espesial Oe-Kusi Ambeno (RAEOA) iha transferências públicas hamutuk millan $76.

Vise Xefe Bankada CNRT, deputadu Patrocínio dos Reis Fernandes ne’ebé le’e deklarasaun politika bankada CNRT nian katak, kona-ba ezekusaun “duo-decimal” OJE 2020, iha RAEOA, la-iha informasaun tanba relatóriu la klaru ho programa sira ne’ebé sira aprova.

“Hahalok ne’ebé Presidente RAEOA uluk adopta, ohin, sei kontinua adopta nu’udar “lisaun ba mal-prátika” iha mandatu foun ne’e,” hateten deputadu Patrocínio iha Parlamentu Nasionál, Sesta 2 Outubru 2020.

Nia dehan, alokasaun osan boot ba projetu sira, hamosu dúvidas barak, tanba iha fulan-rua nia laran sei labele ezekuta osan ne’e hotu, tuir normas legal, no lei sira ne’ebé iha.

“Karik halo virement-transfere ba transferências hodi fahe de’it. Kuandu laiha transparénsia iha uzu orsamentu ne’e, hamosu espekulasaun, “dalaruma osan hirak ne’e atu lori ba selu Ró-Haksolok, tanba Presidente foun RAEOA deklara ona katak, iha tinan 2021 sei lori Ró-Haksolok atu halo Povo Atoni Haksolok”, nia deklara.

Nune’e, bankada CNRT husu ba Câmara de Contas atu tau matan ba situasaun hirak ne’e... hodi husu ba governo Português bele loke investigasaun ida ne’ebé independente no viável.

Entretantu, antes ne’e, Primeira adjunta Prezidente Autoridade no Sekretária Rejionál ba asuntu Politika Formasaun Institusional, Leonia Monteiro katak RAEOA husu tan osan adisionál hamutuk millaun $ 30 husi tetu orijinál hamutuk millaun $127.

Leonia esplika, montante osan sira ne’e atu kontinua halo jestaun ba projetu sira iha Oe-Kusi Ambeno.

Montante osan atu halo estrada sira husi Tono ba Sub-rejiaun (Postu) Oe-Silo, Citrana no Nitibe, tuir Prezidente Autoridade ba RAEOA, Arsenio Paixão Bano katak ne’e segredu, no la presija públika ba públiku hodi hatene.

Marcelino Bata
Author: Marcelino BataWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Jornalista
Jornalista TOP. Bandu atu simu envelope ka sasan ruma husi fonte informasaun sira.

PUBLISIDADE

Online Counter