DILI (TOP) - Prezidente Repúblika, José Ramos-Horta, iha Domingo, 31 Agostu 2025 ofisialmente loke ona Kafetaria “Kafé Atsabe” ne’ebé lokaliza iha área Cristo Rei, Dili.
Xefe Estadu felisita Mariano Alves koñesidu ho naran Ameta no ekipa, ba esforsu no dedikasaun hodi harii kafé Atsabe, destaka importánsia husi inisiativa atu haforte setór privadu, dinamizmu ekonomia nasionál no promosaun turístiku Timor-Leste.
Prezidente Ramos-Horta hato’o ninia rekoñesimentu ba Governu, liu-liu ba Primeiru-Ministru, Kay Rala Xanana Gusmão hamutuk ho Ministériu Obras Públika no Ministériu relevante sira, ne’ebé deside fatin restaurante iha Cristo Rei hodi fó ba Kafé Atsabe nu’udár kompensasaun ba Kafé Atsabe iha mota ninin Komoro ne’ebé sobu iha fulan hirak liu-bá.
Kafé Atsabe inklui komunidade barak antes ne’e hetan sobu husi Governu ho rajaun atu halo alargamentu estrada, no mós prevene sira atu labele sai vitima ba inundasaun bainhira mota tun.
