Covid-19: TL rejista hikas kazu positivu ida

DILI (TOP) — Laloran transmisaun surtu moras Virus Corona (Covid-19) iha Timor-Leste (TL) rejísta fali tan kazu ida.

Primeiru-Ministru (PM), Taur Matan Ruak hateten, hafoin governu atu solisita ba xefi Estadu dekreta estadu emerjénsia, Timor-Leste rejísta fali kazu pozitivu bá moras covid-19 ida.

"Horseik Konsellu Ministru deside avansa bá Estadu emerjénsia, blokeia ita-nia fronteira, ohin dader ha'u mós to'o mai Ministériu Saúde informa ita iha primeira kazu. Hanesan buat KM sdeside par ohin ita iha kazu ida," hateten PM Taur ba jornalista sira iha eventu Jornada Orsamentu nian iha salaun auditoriu Kay Rala Xanana Gusmão, Ministériu Finansas, Ai-Tarak Laran, Dili, Tersa 4 Agustu 2020.

Entretantu, governu solisita ba Prezidente Repúblika, atu dekreta estadu emerjénsia ho forma parsiál no aplika de'it iha fronteira inklui pontu entrada sira.

Iha parte seluk, eis Primeiru-Ministru, Kay Rala Xanana Gusmão husu ba peskador sira iha bairro Akrema, suku Bikeli atu labele hakat ba Liran no Wetar, Indonézia, tanba nasaun viziñu oras ne’e moras Covid-19 sei sa’e maka’as hela.

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE