DILI (TOP) - Kompañia Internasionál Timor Resources ho Kompañia Jestaun Fundu Lake House, ohin fó apoiu máskara kaixa 60 ba Lider Karismátiku, Kay Rala Xanana Gusmão ne’ebé sei fó apoiu ba servisu Unidade Polisia Fronteira (UPF) ne’ebé halo seguransa iha liña fronteira Timor-Leste.
Xanana konsidera servisu UPF iha liña fronteira importante tebes hodi kontrola movimentu sidadaun rai rua labele halo viazen ba mai iha dalan laho liña fronteira hodi evita ameasa surtu coronavirus ka COVID-19.
Tuir Xanana katak, servisu UPF presiza hetan apoiu fasilidade médiku nian hodi membru sira bele proteze aan hosi ameasa COVID-19.
Iha oportunidade ne’e, Xanana hato’o mós agradese mós ba Kompañia Timor Resoruce hodi fó maskara ne’e.
“Ha’u hato’o agradese ba imi nia apoiu, tanba máskara ne’e ha’u sei fahe ba ita nia Unidade Polisia Fronteira (UPF) ne’ebé servisu makas tau matan hela movimentu ema iha fronteira,” dehan Xanana ba jornalista sira iha Dili, Kinta 21 Jullu 2020.
Tuir planu, máskara ne’e Xanana sei fahe direita ba Komandu UPF iha Batugade hodi fahe ba postu iha Badut Mean, Postu Alfa Tunubibi, Postu Bravo Covalima no Oecusi nian.
Entretantu, Kompañia Internasionál Timor Resources ho Jestaun Fundu Lake House apoia rasik halo ona doasaun hodi apoia ba Timor-Leste máskara hamutuk 100.000 ba Timor-Leste.
Reprezentante Kompañia Timor Resources rasik entrega máskara kaixa 60 ba Lider Karismátiku Kay Rala Xanana Gusmão no Instituisaun estadu sira seluk.
Timor Recourse nuda’ar operador primeiru explorasaun terestre ne’ebé oferese. Timor Resource sei hahú sira nia perfurasaun iha Q4 tinan ida ne’e liu hosi aprovasaun envairomentu nian hodi halo perfurasaun ne’ebé sei aprova hosi Autoridade Nasionál Petroliu no Minerais (ANPM) no liuhosi regra terestre nian iha semana ida tuir mai ne’e.
Lake House nu’uda'ar Kompañia privadu ne’ebé fundu hosi Charles Brown nu’udaar mós Xefe meritus no membru Konsellu Fundador ba Fundasaun Dezenvolvimento no Pás ba Nasoins Unidade iha Xina. Brown mós foin lalais ne’e apoiu maskara nasaun sira hanesan, España, Alemaña no França.
Timor Resouce louva ho Governu Timor-Leste no povu Timor-Leste nia susesu ba kontra COVID-19.
Brown deklara nia hakarak nasaun ida ne’e hodi loke fali nia fiar, atu adapta ho máskara ne’ebé ho kustu ne’ebé baratu no simples atu hapara infesaun surutu COVID-19 ne’e no bele halo ema hotu fila fali ba serbisu ho normál.
Grupu Lake House ho sira nia perfurasaun orientál subsidariu ne’ebé limitada kontente tebes atu serbisu iha industria gás no mina iha Timor-Leste. Perfurasaun iha Kosta Súl nia rezultadu sei iha posu primeiru iha rai maran no iha tinan 50.
Posu ikus liu perfurasaun iha tinan 1972. Planu ba perfurasaun nian enfelizmente muda tiha tanba kausa hosi COVID-19 no mós obstaklu sira ne’ebé hamosu hosi COVID-19 hanesan, viajen ho disturbasaun ba iha supply chain.
Tuir Jerente Nasional hosi Timor Resource , Filomeno da Andrade sente enkoraja tebes tanba hetan supporta hosi ANPM no supporta nasionál ba esplorasaun, nune’e mós suporta hosi kapitál investimentu kompañia ne’ebé boot Lake House. Timor Resource hakarak atu hahú ona perfurasaun maibé sira nia prioridade imediata maka tenke asegura protesaun saúde no seguransa ba sira nia funsionáriu sira no komunidade ne’ebé luan.
“Ami hakarak agradese ba Lake house nia President Charlie Brown ba apoiu sira ne’e tomak mai Timor-Leste. Lake House promete ona sira nia suporta sira mai Timor-Leste no no espresa sira nia vontade tomak ho transparensia ho espiritu parseria ne’ebé maka governu no ANPM dezenvolve iha setór rikeza naturál no sei haree ba oin hodi halo investimentu kapitál iha ekipamentu no sira sei haree ba oin atu investe iha nasaun foun ida ne’e.
