DILI (TOP) - Governu Singapura halo ona nomeasaun ba Teo Lay Cheng nu’udar embaixadora dahuluk Singapura nian ba Repúblika Demokrátika Timor-Leste.
Bazeia ba informasaun ofisial ne’ebé The Oe-Kusi Post (TOP) asesu husi Portal Ministériu Negósiu Estranjeiru Singapura nian katak, Teo Lay Cheng, simu tiha ona nia karta kredénsia hosi Prezidente Tharman Shanmugaratnam iha loron Tersa, 10 Marsu 2026 nu'udar embaixadóra dahuluk Singapura nian iha Timor-Leste.
Teo, ne'ebé kompleta nia knaar diplomátiku nu'udar embaixadora Singapura nian iha Kamboja iha semana kotuk, tama iha Ministériu Negósiu Estranjeiru (MNE) iha tinan 1991.
Nia uluk hanesan diretora ba komunikasaun estratéjiku sira iha ministériu, no serbisu ona iha misaun oioin iha rai-li'ur hanesan Bangkok. Teo, graduadu hosi Universidade Nasionál Singapura, sei sai hanesan embaixadór dahuluk hosi Singapura iha Timor-Leste.
Teo serbisu nu'udar Embaixadora Singapura nian ba Reinu Kamboja nian hosi 2021 to'o 2026. Antes ne'e, nia nu'udar Diretora Komunikasaun Estratéjiku nian iha Ministériu Negósiu Estranjeiru, iha ne'ebé nia lidera estratéjia komunikasaun nian ba Prezidente ASEAN Singapura nian iha 2018.
Antes ne’e iha ninia kareira, Teo nu’udar Adjunta Reprezentante Permanente iha Misaun Permanente Singapura nian ba ASEAN iha Jakarta. Nia mós serbisu ona nu'udar Vise-Xefe Misaun nian iha Embaixada Singapura nian iha Bangkok no ka’er ona nomeasaun oioin iha MNE nian ne'ebé kobre Sudeste Aziátiku, Asuntu Públiku sira, no ASEAN.
Teo graduadu husi Universidade Nasionál Singapura ho Lisensiatura iha Arte no Lisensiatura iha Siénsia Sosiál (Onra). Iha tinan 2009, nia hetan Medalla Administrasaun Públika.
