Oekusipost.com Palaban – Autoridade Rejiaun Administrativu Espesial Oe-Kusi Ambeno (RAEOA) durante loron 23 Marsu to’o oras ne’e konsege gasta ona osan hamutuk $18.208,5 ba luta kontra moras virus corona (COVID-19) iha Ambeno.
Total osan ne’e gasta ba sentru akollimentu (fatin kuarentena) sira, fornesimentu hahan, no mós transporte.
“Husi lojistika Autoridade nian, ami hakarak hato’o ba ita boot sira katak, husi diresaun to’o iha gabinete Prezidenti Autoridade durante ne’e, ita uza hela kareta 18, no kareta 3 mak entrega ba PNTL, no mós ida apoiu husi CVTL Oe-kusi Ambeno. Total orsamentu ne’ebé mak ita utiliza ba manutensaun kareta hamutuk $7000,” aprezenta funsionáriu lojistika Autoridade RAEOA, Nicodemo Sani Sila ba audiensia sira iha salaun Alfandega Palaban, Oe-Kusi Ambeno, Segunda 27 Abril 2020.
Prezidente Autoridade RAEOA, José Luis Guterres deklara ona sei halo esforsu atu ezekuta osan nee ho transparênsia.
Notisia relevante: Lugu Hakarak Jestaun OJE Iha Ambeno Transparênsia
“Ba konsumu hahan nian mak fó ba sira ne’ebé mak iha kuarentena hamutuk $11.208,50. Ba kareta sira ne’ebé mak agora uza dadauk halo ona manutensaun hamutuk 16,” nia esplika.
Total fatin sentru akollimentu ne’e hamutuk 3 hanesan hotel lifau, Hotel Oel-Upun no mós rezidensia Fulolo.
Entretantu, oras ne’e Ambeno iha posibilidade boot at livre ona husi moras COVID-19, tanba rezultadu teste hatudu ema barak mak negativu no agora iha ema main 17 mak sei iha k onfinamen tu obrigatóriu iha Hotel Fitun Lima iha Oel-Upun, Oe-Kusi Ambeno.
Notisia relevante: COVID-19: Ambeno Iha Posbilidade Boot Livre Ona.
