AMBENO (TOP) – Governu rejional iha Rejiaun Administrativu Espesial Oe-Kusi Ambeno (RAEOA) anunsia ona kompañia hamutuk 22 maioria husi kamarada FRETILIN sira de’it mak manan ona konkursu ba implementasaun projetu koruptu ka projetu Cesta Básica ho total orsamentu millaun U$ 4.
Projetu Cesta Básica ne’ebé oras ne’e tama on aba faze datolu nian iha indikasaun forte ba korupsaun, no laiha transparansia, maibé instituisaun relevante sira mós labele halo buat ida, tanba situasaun ne’e ligadu ba situasaun impase politika ne’ebé harahun hotu orgaun soberanu sira iha Estadu Demokrátiku ne’e nia laran hodi implementador maka’er-ukun sira mós favorese de’it ba sira nia grupu partidaria, no sakrifika ema inosente no povu inosente sira.
Faktu husi kestaun ne’e mak governu atual ne’ebé viabiliza husi partidu FRETILIN ninia Ministériu implementador Cesta Básica hanesan MTCI, SEKOOP no seluk tan aprova osan ho valor U$ 50 ba uma kain ida-idak, maibé to’o iha faze implementasaun valor ka kuantidade ai-han ne’ebé fahe ba povu sira iha rai-laran la to’o montante osan ne’ebé aprovadu. A’at liutan, iha fatin balun fahe de’it ai-han dodok sira ba povu. “Governu na’ok povu nia osan, ba sosa hahan animal hodi fahe fali ba povu”.
Maske nune’e, Koordenador Cesta Básica RAEOA atual Sekretariu Rejiaun ba asuntu Sosial, Maximiano Neno ne’ebé antes ne’e Komisaun ba Anti-Korupsaun (KAK) ba sobu nia uma iha Oe-Kusi Ambeno, tanba deskonfia halo korupsaun hateten, iha kompañia hamutuk 53 mak antes ne’e konkore iha konkursu ba projetu Cesta Básica ne’e iha Oe-Kusi Ambeno, no rezultadu aprovizionamentu hatudu, iha kompañia hamutuk 22 mak manan, no sei hahu halo distribuisaun ai-han Cesta Básica ne’e iha fulan Fevereiru ne’e nia laran.
Notisia relevante: KAK buska ona rezidensia Adjuntu-Prezidente Autoridade RAEOA iha Ambeno
“Empreza ne’ebé mak tuir konkursu hamutuk 53 no iha prosesu avaliasaun dokumentu rezulta kompañia 50 mak liu selesaun no ikus-liu iha kompañia 22 de’it mak sai manan nain,” hateten Maximiano Neno ba jornalista sira iha nia serbisu fatin iha Oe-Bau, Oe-Kusi Ambeno, Tersa, 31 Janeiru 2023.
Neno hatutan, fatin sira ne’ebé atu fahe (distribui) ai-han Cesta Básica ne’e sei perkore sub-rejional-4 iha Oe-Kusi Ambeno ne’ebé fahe ba lot-23.
Kompañia sira ne’ebé manan projetu Cesta Básica ne’e mak hanesan, empreza Reginaldo Unipesál Lda, ho valor kontratu U$ 667,600.00 sei distribui iha aldeia Sanane, Oé-Sono, suku Costa, Sub-Rejiaun Pante Makasar. Reviver Fraternal unipesoál Lda, ho valor kontratu U$ 130,333.50, sei fahe iha aldeia Manuinpena, Padiae, no aldeia Banoko suku Lalisuk, Sub-Rejiaun Pante Makasar.
Entaun empreza Suni Lace Sombai Unipesoál. Lda, ho valor kontratu U$ 46,407.00, sei distribui iha aldeia Noapai, suku Cunha. None Unipesoál Lda, ho valor kontratu U$ 147,744.96 sei distribui iha Aldeia Mahata, Lakufoan, no aldeia Oetfob suku Costa, Sub-Rejiaun Pante Makassar. Empreza Matlalan Unipesoál.Lda ho valor kontratu U$ 33,233.00, sei distribui iha Kutete suku Costa.
Nune’e mós empreza Pandi Silnes Unipesoál, Lda ho valor kontratu U$ 37,272.13, sei distribui iha aldeia Usapi-Bela, suku Lalisuk, Sub-Rejiaun Pante Makassar. Empreza Nun Mabun Unipesoál, Lda, ho valor kontratu U$ 252,996.75, sei distribui iha aldeia Noe-Ninen, Noafafo, Maunaben, no Aldeia Ume-Noah, suku Cunha, Sub-Rejiaun Pante Makasar.
Empreza AECSSL Unipesoál .Lda, ho valor kontratu U$ 178,503.00, sei distribui iha aldeia Nefobai, Oé-Molo, Tula-Ika, suku Lifau, Sub-Rejiaun Pante Makassar. Empreza Uma Oli Unipesoál, Lda, ho valor kontratu U$ 335,431.97, sei distribui iha aldeia Nemun, Hau-Boni, Ulas, no aldeia Makelab, suku Taiboko, Sub-Rejiaun Pante Makassar.
Portantu Empreza Tafen Kuan Unipesoál Lda, ho valor kontratu $100,694.00, sei distribui iha Aldeia Sakato, No Bausiu Suku Nipani Sub-Rejiaun Pante Makasar. Tafen Kuan Unipesál Lda, ho valor kontratu U$ 156,364.25, sei distribui iha aldeia Bi-Hala, Fatu-Bijael, suku Bobokase, Sub-Rejiaun Pante Makassar.
Empreza Dinola Unipesoál Lda, ho valor kontratu U$ 266,907.88, sei distribui iha aldeia Baqui, Noque, Bonemese, No Aldeia Teina’e Suku Nai-Meko Sub-Rejiaun Pante Makasar.
Entretantu iha Sub-Rejiaun Nitibe Empreza Neon Bahan Unipesoál.Lda ho valor kontratu U$ 113,200.00, sei distribui iha aldeia Oel-Nanoe, Fuabano, no aldeia Kabana, suku Suni-Ufe, Sub-Rejiaun Nitibe. Empreza Save Guard Unipesoál Lda, ho valor kontratu U$ 232,174.50, sei distribui iha aldeia Bebu, Mahata, Hau-Ufe, no aldeia Kuatenes, suku Lela-Ufe, Sub-Rejiaun Nitibe.
Nune’e mós, empreza Erihjocia Unipesoál Lda ho valor kontratu U$ 162,409.28, sei distribui iha aldeia Kuan-Tua, Oamna, Nitibe, no aldeia Fatu-Nababu, suku Usi-Taku, Sub-Rejiaun Nitibe.
Empreza Neldy Unipesoál Lda, ho valor kontratu U$ 124,575.30 sei distribui iha aldeia Manan, Citrana, suku Bene-Ufe, Sub-Rejiaun Nitibe.
Empreza Bitimo Unipesoál.Lda ho valor kontratu $38,464.25, sei distribui iha aldeia lamasi, suku bene-ufe sub-rejiaun nitibe. Empreza Loja Sa’apan Unipesoál. Lda, ho valor kontratu U$ 121,022.32, sei distribui iha aldeia Kua-Nobe, aldeia Hau-Tefu, no aldeia Nefo-Metan, suku Bana-Afi, Sub-Rejiaun Nitibe.
Ba fali Sub-Rejiaun Oé-Silo, empreza Biqae Green Unipesoál Lda, ho valor kontratu U$ 451,232.50, sei distribui iha iha aldeia (9) iha Suku Bobometo.
Empreza My-Love Star Unipesoál.Lda, ho valor kontratu U$ 202,280.40 sei distribui Iha aldeia Pune, Buki, aldeia Sifin, Suku Usi-Tasae. Nune’e mós, empreza Joana Bobo Unipesoál Lda, ho valor kontratu U$ 61,107.20, sei distribui iha aldeia Nibin, suku Usi-Takeno.
Iha Sub-Rejiaun Pasabe, empreza Sufneontimo Nafael Unipesoál Lda, ho valor kontratu U$ 375,593.94, sei distribui iha aldeia Naetuna, Pasabe, no aldeia Hae-Mnanu, suku abani, Sub-Rejiaun Pasabe. Empreza Saukira CX Unipesoál. Lda, ho valor kontratu U$ 94,460.70, sei distribui iha aldeia Malelat, suku Malelat, Sub-Rejiaun Pasabe.
Adjuntu Prezidente Autoridade RAEOA, Maximiano Neno hateten, Cesta Básica iha RAEOA iha ona faze anunsia rezultadu ba kompañia manan nain no sei hein loron-lima bazeia ba regulamentu aprovizionamentu hodi halo reklamasaun husi kompañia sira seluk karik mosu prosesu naksalak ruma iha prosesu aprovizionamentu ne’e rasik.
“Cesta Básica ita iha faze anunsia rezultadu husi konkursu iha fulan hirak liu ba. Ita anunsiu ona iha semana kotuk liu-ba, no sei iha loron lima tuir lei aprovizionamentu bainhira iha publikasaun konkursu ba públika durante loron lima sei hein karik iha reklamasaun husi kompañia sira seluk,” hateten Maximiano Neno ba jornalista sira iha Oe-Kusi Ambeno, Kuarta 01 Fevereiru 2023.
Neno hatutan, dadus benefisiariu sir aba Cesta Básica faze daruak nian iha Oe-Kusi Ambeno mak rihun 87.000 resin, ho nia total osan millaun U$ 4 mai husi Sekretariu Estadu Kooperativa (SEKOOP), Ministériu Turizmu Komersiu no Industria (MTKI).
