JSMP
JSMP hanesan parseiru husi PRADET, kontinua fó apoiu ba PRADET nia serbisu hodi kontinua tulun vítima sira ne’ebé buka ba justisa liuhusi ezaminasaun médiku. PRADET halo ona servisu importante, liu husi rezultadu ezaminasaun, kazu barak hetan desizaun justu husi tribunál.
Komandate VPU, Sr. Ricardo
PRADET hanesan PNTL VPU nia parseiru xave hodi apoia no fó asisténsia ba vítima violénsia sira. Maluk vítima barak mak hetan ona Justisa tanba PRADET nia kontribuisaun ba halo ezame médiku. PNTL VPU suporta no hamrik hamutuk ho PRADET hodi tulun vítima feto no labarik no asegura sira nia konfidensialidade.
ALFeLa
PRADET hanesan parseiru xave ba ALFeLa ne’ebé mak durante ne’e fornese asisténsia legál ba iha vítima feto no labarik sira hodi asesu ba sistema justisa formál. Durante ezisténsia PRADET nian ne’ebé fornese ezaminasaun médiku (visum) ba vítima sira iha Timor Leste, inklui RAEOA hanesan prosedur normal ne’ebé mak parte saúde nian halo ho konfidensialidade hodi apoiu provas ba vítima sira. ALFeLa nafatin tau konfiansa no apoiu ba iha PRADET atu mantein mandatu serbisu profesional hodi apoiu provas ba vítima sira no kolabora ho autoridade judisiál sira hodi asegura justisa ne’ebé justu no la iha diskriminasaun ba vítima sira".
CBRNM – TL
CBRNM – TL nafatin Apoiu PRADET nia servisu tomak ne’ebe mak liu ona, ohin e ba future. PRADET la mesak maibé ami CBRNM – TL hamutuk ho PRADET hodi servisu atende vítima sira liliu vítma feto no labarik ho kondisaun difisiensia. CBRNM – husu atu publiku atu nafatin kolabora ho PRADET hodi garantia vítima sira nia konfidensialidade.
CODIVA
Fundasaun hamutuk iha Diversidade ba Asaun (CODIVA) louva tebes servisu ne’ebe mak organizasaun naoun governmental PRADET halo durante ne’e, iha ambitu violénsia hasoru feto no labarik no grupu vulneravel sira liliu ba evidénsia ezaminsaun médiku. Fundasaun CODIVA firme hamrik ho organizasaun PRADET hodi defende kredibilidade PRADET nian hanesan uniku organizasaun ne’ebe mak durante ne’e fornese evidénsia ba prosesu kazu violénsia hasoru feto no labarik no grupu vulneravel sira.
FOKUPERS
Fokupers mak organizasaun ida husi Instituisaun Solidariedade Sosial ne’ebé fornese Apoiu no Asisténsia ba vítima feto no labarik sira, nu’udar resposta ba implementasaun Lei Kontra Violénsia Doméstika Artigu 16. Dezde 2005, Fokupers no PRADET hahú ona parseria ida ne’e no sai forte liu tan bainhira Lei Kontra Violénsia Doméstika aprova no promulga iha 2010. Visum ka ezaminasaun médiku forénsiku ne’ebé prodúz husi PRADET hanesan baze ho naran ‘Relatóriu Médiku’ ne’ebé rekoñese husi parte legal nu’udar dokumentus komprovativu atu fasilita prosesu vítima sira nian iha mekanizmu legal sira.
Fokupers hakarak enfaze katak dezde 2005 to’o momentu ida ne’e, rezultadu visum ne’ebé PRADET fornese seidauk hamate ema ida, liu-liu vítima sira ne’ebé liu ona husi Fokupers nia Uma-Mahon. Fokupers mos rekoñese katak pesoal sira ne’ebé haknaar-an iha servisu visum mak pesoal sira ne’ebé professional no mai husi background saude duni, sira mos dedika-an tinan barak ona iha servisu ida ne’e.
To’o momentu ida ne’e Fokupers sei tau konfiansa hodi kontinua servisu hamutuk ho PRADET hodi responde no alkansa justisa ba vítima sira.
