DILI (TOP) – Tasi-Tolu ne’ebé antes ne’e nakonu de’it ho bee no tahu inklui foer plastiku seluk, oras ne’e nakfilak ona hanesan bai-bain ho ambiente ne’ebé mós no saudavel liu husi esforsu lider karismátiku, Kay Rala Xanana Gusmão ho komunidade rasik.
Durante loron rua nia laran hahu husi Kinta to’o Sesta, molok hasai ekipamentu supa bee nian, Xanana mobiliza komunidade liliu ki’ik-oan sira hodi halo limpeza jeral ba fo’er sira iha área ne’e no oras ne’e furak no nabilan ona hodi atrai ema barak bele ba pasa tempu iha ne’eba, maibé labele haluha so’er foer arbiru.
Eis Primeiru-Ministru ne’e, nafatin dinamiza serbisu hodi kontinua monta kedas avizu, nune’e husu kolaborasaun husi parte hotu atu labele so’e fo’er iha Tasi-Tolu.
Lider internasional ne'e konsiente, ambiente ne’ebé mós no saudavel nu’udar responsabilidade ema hotu nian.
Nia alerta ba sidadaun sira hotu tantu komunidade Tasi-Tolu oan sira inklui hirak ne’ebé sei ba pasa tempu inklui sira be sei uja fatin ne’e hodi treina lori kareta-motor labele so’er sasan foer abiru iha fatin ne’e hodi mantein área ne’e moos nafatin, no labele estraga ambiente.
"Ha’u husu ba imi hotu tantu Tasi-Tolu oan no mós hirak ne’ebé mai treinu motor ka kareta atu la so’e tan fo’er arbiru iha fatin ne'e,"Xanana husu ho lian makas.
