DILI (TOP) — Komisáriu Komisaun Anti Korupsaun (KAK) Sergío Hornai hateten KAK investiga ona kazu sira hamutuk 70 resin iha Timor-Leste (TL).
“KAK purvolta de 70 itál prosesu maka ita halo hela investigasaun mesmu iha pandemia Covid-19 nia laran. Iha balun ita komesa ona, balun sei kontinua la’o hela balun sira fó fila-fali para bele aprevisua liu tán iha prosesu investigasaun. Kazu balun ne’ebé maka tama iha KAK konserteza sei hotu, karik ida ne’ebé maka seidauk entaun sei hein tempu propriu,” hateten Sergío Hornai ba jornalista sira, hafoin hala’o aprezentasaun kona-ba lei emprezariu, iha salaun Delta Nova, Dili, Tersa 30 Novembru 2021.
Komisáriu Komisaun Anti Korupsaun (KAK) Sergío Hornai. Foto TOP/Marcelino Bata.
Eis Direitor Jeral Defensoria Públiku ne’e dehan, haree mós kooperasaun iha serbisu sira hodi labele iha overlapping tenke respeitu ba kamara das kontas, kamara das kontas ninia rekomendasaun sira ba iha Ministériu Públiku, Ministériu Públiku sei tetu haree labele halo ida-idak ninian.
“Serbisu sira iha koordenada, serbisu ida tenke iha korelasaun ba iha autoridade judisiariu para labele dupla ka asesu sira ne’ebé iha kazu hanesan tenke iha serbisu ida hanesan,” nia esplika.
Nia esplika, marsa prosesu la’o hela ba kazu sira ne’e. Iha prosesu investigasaun, investigasaun hotu sei remete ba iha Ministériu Públiku katak, iha hela ambitu investigasuan kriminál iha terenu.
Iha kazu ne’e inklui kazu ro Transit II, ro haksolok, expo Dubai, no sira seluk tan.
Author: Marcelino BataWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
Jornalista
Jornalista TOP.
Bandu atu simu envelope ka sasan ruma husi fonte informasaun sira.
