PN autoriza ona governu foti tan osan tokon US$ 286,8

Deputadu sira iha PN autoriza ona governu hodi foti tan osan hamutuk tokon US$ 286,8. Foto Media PN.

DILI (TOP) – Deputadu sira iha Parlamentu Nasionál (PN) autoriza ona governu hodi foti tan osan hamutuk toko US$ 286,8 ho votu afavor 43, no votu abstensaun hamutuk 18.

PN autoriza governu liu husi sesaun Plenária Ordinária iha loron Tersa 23 Juñu 2020, aprova Proposta de Lei nº 17/V(2ª)- kona-ba realizasaun transferência extraordinária husi Fundu Petrolíferu ba daruak nian durante tinan 2020 no primeira alteração ba Lei nº 2/2020, de 6 de abril, ho votu afavor 43, no abstensaun 18.

Governu sei uja osan ne’e atu assegura funsionamentu mákina Estadu hodi hein aprovasaun Orsamentu Jeral Estadu nian.

Entretantu, tuir informasaun ne’ebé The Oe-Kusi Post asesu husi pajina ofisial PN nian katak, kona-ba osan hamutuk US$ 500.000 ne’ebé antes ne’e aloka ba PN ikus mai la uja, no hatama fali ba kofre Estadu.

Antes ne’e, Ministru Finansas (MF) Fernando Hanjam iha plenária Parlamentu Nasionál (PN) katak, governu husu tan autorizasaun ba PN hodi halo transferénsia extraordináriu husi fundu petrolíferu ho montante tokon $286,8, tanba tokon $250 ne'ebé antes ne'e autoriza uluk ona, la sufisiénte atu finansia governu hodi rekoopera ekonomia ne'ebé kauza husi surtu_ virus corona (covid-19) iha rai-laran.

Notisia relevante: Governu husu tan osan tokon US 286,8

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE