DILI (TOP) – Primeiru-Ministru, Kay Rala Xanana Gusmão ne’ebé akompaña husi Vise Primeiru-Ministru, Ministru Koordenador ba assuntu Ekonómiku, Ministru Turizmu no Ambiente, Dato Sri Francisco Kalbuadi Lay ho Ministra Saúde, Elia Amaral halo ona despedida ho Forsa Mariña Libertasaun Popular husi Repúblika Popular China ne’ebé lori sira nia ro Daishan Dao (岱山岛) durante loron hirak nia laran atende Timoroan sira halo tratamentu saúde iha ro ne’e
Vise Primeiru-Ministru, Ministru Koordenador ba assuntu Ekonómiku, Ministru Turizmu no Ambiente, Francisco Kalbuadi Lay akompaña Primeiru-Ministru, Kay Rala Xanana Gusmão ba vizita no halo despedida ho Forsa Mariña Libertasaun Popular husi Repúblika Popular China ne’ebé lori sira nia ro Daishan Dao (岱山岛) durante loron hirak nia laran atende Timoroan sira halo tratamentu saúde iha ro ne’e.
Daishan Dao (岱山岛) nu’udar naviu hospital ho tipu 920 husi Forsa Mariña Libertasaun Popular husi Repúblika Popular China ne’ebé mai fó asistensia medika ba povu Timor-Leste desde loron 03-10 Setembru 2023.
Ro ne’e foin lansa iha tinan 2007 ho intensaun klaru ne’ebé fó China plataforma ida atu fornese meius di’ak liu-tan hodi fornese resposta umanitária lais liutan ba dezastre sira iha mundu tomak, maibé parte balun afirma mós atu permite China hodi alarga (haluan) nia kapasidade marina iha água azul.
Iha Setembru 2010, ro hospital ne’e embarka iha misaun ida “Misaun Harmonioza 2010” durante fulan tolu ba Goldo Eden ho ofisiais hamutuk 428, inklui traballador médiku nain-100. Iha viajen ne’e, ro ne’e vizita no presta tratamentu médiku ba populasaun lokal iha Djibuti, Tanzânia, Quénia, Seicheles no Bangladesh.
Durante “Misaun Harmonioza 2011”, Arca da Paz ka Peace Ark vizita Cuba, Costa Rica, Jamaica no Trinidad no Tobago, ne’e viazen dahuluk China nian iha Caribe.
Iha Novembru 2013, ro ne’e ba Tacloban, Filipinas, atu ajuda iha rekuperasaun Tufaun Haiyan. Arca da Paz mós partisipa nu’udar parte kontribuisaun China nian ba Exercício RIMPAC 2014, além navio-hospital husi Estadus Unidos, USNS Mercy.
Iha fali “Misaun Harmonioza 2015” ro ne’e vizita Austrália, Barbados, Polinésia Francesa, Granada, México, Peru no Estadus Unidus. Iha Outubru 2017, viazen ba Gobão no presta serbisu médiku iha nasaun ne’e. Tuir reportazen imprensa katak, ekipa ro ne’e konsege halo tratamentu saúde ba pasiente sira hamutuk 3000 no halo mós sirujia.
Daishan Dao (岱山岛) úniku naviu ho nia klase simu flâmula númeru 866. Ro ne’e dezignadu ba Frota do Mar do Sul no bazeadu iha Zhoushan, iha províscia Zhejiang. Ro ne’e iha kapasidade ba kama 300, kama ICU 20, sala sirujia 8 no bele halo sirujia 40 loron-loron, além de radiografia, ultrassom, tomografia komputadorizada, hipotermia, hemodiálise, medisina tradisional China no konsultóriu odontológiku. Ro ne’e mós está ekipada ho sistema remotu rede no komunikasaun atu permite telekonferênsia ho médiku sira no espesialista sira iha rai-maran.
Tuir Konvensaun Genebra, Daishan Dao (岱山岛) ho nia tripulante sira labele lori arma (kilat) ofensiva ruma bainhira ro ne’e pinta ho kor mutin ho Cruz Vermella hodi marka nu’udar ro hospital.
