DILI (TOP) – Eis Prezidente Repúblika atual Laureadu Prêmiu Nobel ba Paz 1996, José Ramos Horta asina ona nota intendimentu ida ho United Nations Children’s Fund (UNICEF) hodi halo advokasia hamenus problema malnutrisaun iha Timor-Leste.
Tuir informasaun ne’ebé The Oe-Kusi Post (TOP) asesu husi postajen UNICEF nian katak, hatan ba asuntu malnutrisaun kroniku durante tinan rua dahuluk labarik sira nia moris ne'e kritiku tebes tanba malnutrisaun hanesan kauza major ba mortalidade no mós númeru defisiensia iha labarik sira nia moris.
Tuir UNICEF katak, Timor-Leste nu'udar nasaun ida ne'ebe kazu malnutrisaun kroniku aas tebes, kuaze metade husi labarik idade tinan 5 maka sofre raes-badak. Se ita la foti asaun ruma agora, entaun METADE husi jerasaun futuru nian mak sei iha implikasaun ba sira nia kresimetu kakutak.
Tanba ne’e Horta asina ona kompromisu ida ho UNICEF atu galvaniza esforsu atu hakotu malnutrisaun maternidade no labarik nian iha Timor-Leste liu husi foka ba loron 1000 dahuluk labarik sira nia moris.
Horta no UNICEF sei serbisu hamutuk atu halo advokasia atu aumenta rekurusu no atensaun ba lab inarik sira nia tinan rua (2) dahuluk iha sira nia moris, hodi foka ba iha prevensaun labarik sira nia malnutrisaun liu husi promosaun ijiene diak, fo susubeen-inan, aplika pratika komplementaria ne'ebe apropriadu no oportunu, no deteta no trata sedu ba labarik sira ho malnutrisaun.
