DILI (TOP) – Eis Primeiru-Ministru, Kay Rala Xanana Gusmão kalan rua ona kontinua toba iha Estrada Vera Cruz hodi hein desijaun governu nian kona-ba bainhira maka bele hasai mate-isin Armindo Borges husi sala izolamentu Vera Cruz ba familia hodi hala’o prosesu funeral.
Desde loron Segunda 12 Abril 2021, Xanana nafatin mantein nia pozisaun katak nia la fiar Armindo Borges mate tanba kauza husi Covid-19, maibé tanba moras stroke hemorraghic, maibé governu mós defende aan nafatin katak ema ne’e mate tanba Covid-19.
The Oe-Kusi Post (TOP) observa katak, lider Karismátiku Kay Rala Xanana Gusmão iha Tersa kalan kontinua toba iha Estrada Vera Cruz iha oras tuku 9 resin hodi kontinua hein mate isin Armindo Borges ne’e.