DILI (TOP) – Komandante Operasionál ba Sentru Integradu Jestaun Krizé (SIJK) Brigadeiru Jenerál, João Miranda "Aluc Descartes" hatete laiha posibilidade ba Estadu Emerjênsia atu estende tan.
"Tuir inkontru ne'ebe mak ohin ami koalia ho Komisaun interministerial laiha posibilodade laiha nesesidade atu halo estensaun ba situasaun Emerjênsia ida ne'e, maibé la signifika katak medida sira ne'ebe mak atu prevene situasaun ba Coronavirus (Covid-19) ida ne'e," hateten Komandante Operasionál ba Sentru Integradu Jestaun Krizé (SIJK) Brigadeiru Jenerál João Miranda "Aluc Descartes" ba jornalista sira hafoin inkontru interministerial iha Palasiu Governu, 25 Juñu 2020.
"Ita hotu hatene katak aban kalan tuku 12, Estadu Emerjênsia ne'ebe mak estende ba iha Segunda faze ne'e hotu. Tanba ida ne'e mak ami husi sala situasaun jestaun krize mai hasoru interna mai hasoru Komisaun interministerial hato'o relatóriu ba atividades ne'ebe mak sala situasaun hala'o husi estensaun Estadu Emerjênsia iha Primeiru no segundu faze," nia afirma.
Nia hatutan kona-ba premenorias ba reletoriu ida ne'e, imi hein katak Governu sei fó sai, responsabilidade ida ne'e ba iha ministeriu saúde más hanesan ohin hau koalia promenores nee Governu mak sei fó sai.
"Tuir medida protokolu sira ne'e ita sei obedese nafatin ida ne'e, katak ema sira ne'ebe mak tama mai Timor leste tenke tama nafatin kuarentina, Ita hotu hatene katak konstituisaun define hotu tiha ba iha area saúde ninian no sira bele hola medidas balun, ne'ebe mak iha relasaun ho saude publika bele foti medidas sira hanesan nee," nia hakotu.
