TR prosesa ona kazu rua husi projetu ZEESM

DILI (TOP) – Prezidente Tribunal Rekursu (PTR), Delindo do Santos hatete, kazu rua husi projetu pilotu Zona Espesial ba Ekonomia Sosial no Merkadu (ZEESM) ne’ebé implementa iha Oe-Kusi Ambeno oras ne’e ida iha ona auditoria Tribunal Rekursu nian hodi prosesa ba dalan legal, no ida seluk sei iha hela prosesu auditoria mós.

Deolindo esplika, kazu projetu ZEESM iha rua, ida seluk aprova ona, ida seluk sei iha prosesu iha auditória Tribunál Rekursu.

Nia dehan, iha kazu rua ne’e Tribunal Rekursu labele temi sai kazu rua ne’e nia naran, tanba sei iha hela prosesu laran.

“Kazu rua husi projetu pilotu ZEESM nian ne’e iha rua, maibé ha’u labele divulga sai kazu rua ne’e ba ema hotu, ambitu sira ne’ebé iha auditória Tribunal Rekursu ne’e prosesu ona, ba kazu rua ne’e ida seluk aprova ona, ida seluk sei prosesu iha auditoria Tribunál Rekursu,” hateten Deolindo ba jornalista sira hafoin remata enkontru ho Prezidente Repúblika iha Palasiu Prezidente Ai-Tarak Laran Dili, Tersa 20 Outobru 2020.

Nia hatutan, konaba kazu rekursu sira iha tinan 2018 hamutuk 218, maibe agora hela kazu 17 inklui ona ho sira ne’ebe preve ona atu livre iha loron Kinta semana ne’e. Ba kazu foun balun tama iha tinan 2019 no 2020, sei iha hela prosesu laran.

Deolindo fó sai mensajen Prezidente Repubika nian ba juis sira hotu iha rai laran, atu serbisu didi’ak atu bele lori povo iha rai ne’e bele sai di’ak liu tan, tanba bainhira lori prosesu dezenvolvimentu ne’e la’o ema ne’ebé maka priense justisa barak liutan.

Kona-ba projetu ZEESM, tuir rezultadu auditoria husi Tribunal Câmara das Contas Número 01/2018 Volume I ho Volume II entre tinan 2014-2015 ne’ebé The Oe-Kusi Post (TOP) asesu katak iha infrasaun finanseira lubuk ida ne’ebé komete husi Autoridade RAEOA/ZEESM iha ezekusaun orsamentu tinan 2014-2015.

Bele vizita link sira ne'e: Relatorios auditoria/RELATORIO 1 2018 RAEOA Vol I FINAL.pdf no Relatorios auditoria/RELATORIO 1 2018 RAEOA Vol II FINAL.pdf.

Relatóriu Tribunal Câmara de Contas (TdC) ne’e mós husu ba instituisaun kompetente tenke halo implementasaun. Katak, Ministériu Públiku tenke halo ona investigasaun ba iregularidade hirak ne’ebé haktuir iha relatóriu Câmara de Contas sobre orsamentu RAEOA/ZEESM. Instituisaun hirak ne’e tenke implementa ona tuir idak-idak ninia knaar konstitusional.

Rezultadu auditoria ne’e, hatudu projetu ho valor osan hamutuk millaun $28.9, seidauk tán ho orsamentu 2016-2018 ne’ebé maka fó ona prejuízu maka’as ba osan Estadu nian, tanba autoridade halo de’it ajudikasaun direita, preço de marcação (hasa’e folin).

Relatoriu auditoria ne’e mós hetan no identifika katak Autoridade RAEOA halo kontratu ho PT. Wijaya Karya atu superviziona konstrusaun aeroportu Oe-Kusi Ambeno ne’ebé oras ne’e hanaran Aeroporto Internacional Rota do Sandalo.

Tribunal Câmara das Contas (TdC) konsidera, kontratu ho valor millaun $5,523,700.00 ne’e la tuir lei aprovizionamnetu no pior liu konstrusaun lá-prienxe rekizitu tekniku no dezeñu no espesifikasaun tekniku iha konflitu (la tuir) dezeñu ne’ebé aprezenta ba TdC.

Hafoin Konstrusaun Aeroporto Oecusse kontinua aumenta ho orsamentu millaun $78 populasaun hamutuk 70.000 depois hasae tan orsamentu ba millUN $120 tuir lei orsamentu millaun $5 prosesu tenki lori ba Tribunal hodi halo aprovasaun, maibé iha RAEOA tuir relatório husi TdC dehan projetu fó de’it ba Kompañia WIKA (adjudikasaun direta).

Ses husi auditoria TdC ne’e, iha komunidade hamutuk 64 mak lakon sira nia rai, no seidauk hetan indemnizasaun.

Notisia relevante: Komunidade hamutuk 64 iha Ambeno seidauk hetan indemnizasaun

No estrada hamutuk kilo 8 mós to’o oras ne’e seidauk iha bee dalan.

Notisia relevante: Estrada Kilometru 8 iha Ambeno laiha bee dalan

Projetu barak mós mosu iregularidade hanesan sosa aviaun ZEESM nian, konstrusaun klinika fuan no seluk tan.

Jefriano Oqui
Author: Jefriano OquiEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE