Labele selu projetu laiha kontratu

DILI (TOP) – Projetu sira ne’ebé durante ne’e laiha kontratu no balun iha kontratu sai bala musan ba partidu politika sira iha Parlamentu Nasionál tantu husi sira ne’ebé oras ne’e ka’er ukun inklui sira ne’ebé oras ne’e sai opozisaun.

Partidu politika sira ne’e uja assuntu ne’e hodi defende ida-idak nia interese. Partidu ida dehan ne’e partidu ida ne’eba nia kulpa, tanba projetu sira ne’e akontese iha nia ukun, no partidu seluk dehan ne’e maioria husi emprezariu estimada partidu ida ne’e nian.

Nune’e, Prokurador Jeral Repúblika (PJR), José da Costa Ximenes katak, ba projetu infraesturuta hamutuk 145 balun iha kontratu, balun laiha kontratu, balun laiha kontratu no projetu seidauk halo. Buat ne’ebé sai problema mak laiha kontratu maibé serbisu halo tiha ona. Kontratu laiha, estadu laiha dever atu selu.

“Buat ne’ebé problema mak kontraltu laiha, serbisu halo ona. Maibé, purezempu dehan halo ponte, mota iha ne’ebá, pontu iha ne’ebá, dudu ses hotu ona, agora mota ida mós laiha, agora atu selu saida. Projetu halo mós dehan hanesan la halo. Husu pagamentu atu halao saida?,” hatete PJR José da Costa Ximenes liu husi komunikadu imprensa ne’ebé The Oe-Kusi Post (TOP) asesu iha pájina ofisial Palásiu Prezidensial Segunda 19 Outubru 2020.

Kontratu laiha tan. Kualker estadu ida iha mundu kontra nia dever bainhira iha nia kontratu. Laiha kontratu di’ak liu lalika paga,” nia afirma.

Entretantu, dadus balun ne’ebé TOP asesu, iha projetu hamutuk 143. Husi númeru ne’e projetu hamutuk 90 resin maka iha kontratu, no projetu hamutuk 45 mak laiha kontratu ka “ilegal” ho nia valor osan millaun $104,000,000.00.

Jefriano Oqui
Author: Jefriano OquiEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE