DILI (TOP)— Parlamentu Nasionál (PN) aprova ona orsamentu hamutuk $59,286,030 ba Ministériu Solidariedade Sosiál no Inkluzaun (MSSI), maibé montante ne’e hetan alterasaun ba millaun $56-resin.
Husi orsamentu $56-resin ne’e fahe ba saláriu no vensimentu hamutuk $1,594,154, bens no servisu $3,398,129, no transferénsia públika maka $54,293,747, ne’e katak MSSI iha tinan ne’elaiha kapitál minor no kapitál dezenvolvimentu. Maske osan ne’e foin maka aprova iha jeneralidade iha semana kotuk, no iha espesialidade iha loron 7 Outubru ne’e, maibé osan balun gasta tiha ona, no osan ne’e seidauk gasta ne’e tuir planu sei gasta (ejekuta) iha fulan ida ne’e to’o tinan ne’e nia rohan.
Ministra Solidariedade Sosiál no Inkluzaun, Armanda Berta dos Santos husi partidu KHUNTO ne’e prioritiza medida prinsipál sia (9) hodi garante governasaun di’ak durante tinan 2020.
Bazeia ba Planu Aasaun anuál (livru 2), prioridade governasaun husi MSSI maka moris di’ak sosiál, protesaun sosiál, sidadania, inkluzaun, protesaun no dolidariedade sosiál (feto no labarik, grupu terseira idade, ema ho defisiénsia no vulnerável sira).
