DILI (TOP) — Vise Reitór I ba asuntu akademiku husi Institute of Business (IOB) Antonio Soares Martins katak IBO reforma formasaun ba mestre foun sira kona-ba aprendizajen liu husi plata forma online ba estudante sira durante period serka sanitária.
“Agora ami nafatin halo reformasaun ba dosente sira ne’ebé maka foun no sira ne’e maka seidauk komprende bele ajuda formasaun ba sira, ami bolu formasaun ne’e trainer to trainee sira bele habelar tan ba estudante sira ba estudante sira ne’ebé maka foin tama,” esplika Vise Reito António ba jornalista sira iha IOB, Fomentu II, Dili Domingu 21 Marsu 2021.
Nia hatutan, dosente bele fó formasaun ba estudante atu nune’e estudante bele komprende hodi bele utiliza plata forma online ne’e ho di’ak.
“Ha’u hanoin estudante halerik kona-ba osan prepagu pulsa ne’e loos, maibé ita tenke hili opsaun rua ita hakarak eskola paradu total ka lalika, sei ita hakarak paradu total loos, maibe tempu ne’e nunka mais para. Materia ita bele rekopera, maibé tempu la’o dadauk,” nia argumenta.
Nia dehan, posibilidade ne’ebé maka IOB hili tenke lori eskola ba uma, nia benefisiu ne’e ba dosente, estudante no instituisaun.
Nia esplika, estudante loron ida, kuandu nia mai kampus minimu nia gasta $1,50 centavus, hanesan osan transporte no han-hemu nian. Sei karik nia iha uma de’it nia bele gasta osan $ 1 hodi halo unlimited ba nia telemovel hodi asesu aprendizajen aula ne’e durante loron ida.
“Estudante sei reduz osan $1.50 ba $ 1 depois nia la uza tempu hodi la’o ba mai mai eskola maibé tempu ne’e nia uza buat seluk”.
Nia dehan iha IOB kuandu desizaun hasai, IOB kumpri regras ida ne’e, eskla nia atividade aprendizajen prezensial husi IOB suspende kedas hodi kumpri ba ordem husi deputadu no deputada no governu.
“Estudante hotu-hotu hela iha uma, saida IOB halo temporariamente iha ne’e materia semester par ne’e hotu ona. Kontinua ba semester impar ne’ebé ami haruka sira iha uma, ami agora fó nafatin formasaun ba dosente sira atu oinsa bele utiliza bele plata forma online hanesan aplikasaun Zoom no seluk tan hodi hahu fali aula ne’ebé mak aprezenta iha institute Of business,” nia informa.
Nia argumenta, pelu menus estudante no mestre bele komprende hodi asesu ona ba teknolojia atu nune’e apoiu dadauk nia konesimentu hodi nune’e bele tuir nafatin eskola iha uma.
