OE-SILO (TOP)- Pagamentu subsidiu iha sub-rejiaun Oe-Silo kompostu husi Suku 3 hanesan suku Bobometu, Usi Taqueno no Usi Tasae atinje ona porsentu 60.
Suku 3 ne’e iha aldeia 13, maibé iha aldeia haat iha Suku Bobometo mak pagamentu seidauk hotu, hanesan Aldeia Hoeneno, Oe-Noah, Oe-Baha no Nianapu.
“Pagamentu subsidiu $200 iha Sub-rejiaun Oe-Silo kompostu husi suku tolu, atinje ona 60%,” hateten Jestor sub-rejiaun Oe-Silo, Domingos Marques ba jornalista sira iha edifisiu postu administrative Oe-Silo, Sábadu 11 Jullu 2020
Nia hatutan, lista benefisiariu sira iha sub-rejiaun Oe-Silo hamutuk 3.359, no iha Suku rua hanesan Suku Usi-Tasae no Usi Taqueno, sira agora halo ona deklarasaun ba benifisiariu ida ne'ebé nia naran la sai iha lista pagamentu subsidiu $200.
Nia dehan, reklamasaun sira ne'e, dekreta husi Ministériu Solidariedade Sosial no Inklusaun (MSSI) katak, ba benifisiariu ne'ebe nia naran lasai iha lista pagamentu dubsidiu $200 ne’e sei prosesu loron 15, mak foin bele foti sira nia osan.
Reklamasaun ne’e hamutuk ema na’in 35 inklui aldeia tolu husi Suku Bobometo, suku Usi-Tasae iha ema nain 5, suku Usi-Taqueno iha ema nain 15 inklui aldeia tolu husi suku Bobometo hanesan, aldeia Kiubiselo, Tumin no Nonkikan hamutuk ema na’in 20.
Iha fatin hanesan, xefe Suku Bobometo, Yoseph Elo katak, pagamentu subsidiu $200 iha sub-rejiaun Oesilo, hela aldeia haat (4) husi suku Bobometo mak seidauk hotu, benefisiariu ne'ebé simu tiha ona subsidiu $200 iha suku Bobometo hamutuk 1.399 mak simu ona.
Nia dehan, benefisiariu ne'ebé simu ona subsidiu $200 hamutuk 1399 kompostu husi aldeia lima(5) iha suku Bobometo, no hela aldeia 4 mak seidauk halo hotu pagamentu no iha ladeia lima (5) iha ema nain 82 mak sei halo fali reklamasaun.
