Oekusipost. Com Dili – Prezidente Autoridade ba Rejiaun Administrativu Espesial Oe-Kusi Ambenu (RAEOA), José Luis Guterres apoiu kareta ambulansia movel ida ba Sentru Integradu Jestaus Krize (SIJK) atu fasilita kuarentena no fatin isolamentu sira.
Objetivu presidente RAEOA José Luis Guteres “Lugu” entrega kareta unidade movél saúde ba sentru intregadu jestaun krize delega husi Primeiru-Ministru.
“Ami ohin mai husi Oe- Kusi Ambeno, Presidente Komisaun kombate Covid-19 Oe-Kusi nian, Dutór Nelson, Diretór Rejional Infermeru Luis Neno, no Xefe Gabinete Agustinho Caet, mai hanesan kompri prezide ida husi primeiro ministru Taur Matan Ruak husu, atu ita halo meius ne’ebé iha Oe-Kusi halo atu komvate,” hatete Lugu ba jornalista sira iha Sentru Konvensaun Dili, Segunda 4 Abril 2020.
Lugu hatutan, kareta klinika movel ne’e hanesan solidaridaede atu kombate ba Covid-19.
“Ami husi Oe-Kusi hatudu solidadridade mai nasional ba kovid-19 nune’e mos ha’u laran ksolok atu mai hare’e fatin ida ne’e tanba ema ida seidauk iha ema ida mate hanesan mos iha RAEOA seidauk iha ema ida mate ida,” afirma Lugu.
Iha fatin hanesan, Koordenador Destakamentu Reasaun Rapida Sentru Integradu Jestaun Krize, Aurelio Guterres katak, klinika movel ne’e atu ajuda Jestaun Integradu ba Jestaun Krize.
“Jestaun de krize ami simu klinika movel ida husi presidente RAEOA rasik mak entrega, atraves pedidu husi primeiro ministru nian, katak fasilidade ne’e ajuda sentru integradu jestaun de krize, no klinika sira iha Díli laran, partukalar Vera Cruz, atu halo servisu hodi komvate Covid-19 ne’e,” hateten Aurelio.
Nia hatutan, kareta movel klinika ne’e sei uza ba klinika sira iha Díli laran.
“Kareta entrega mai ne’e premanen iha sentru Jestaun de Krize, teknikamente RAEOA sei ajuda, atu oinsa operasionaliza, ekipamentus sira ne’e liu-liu jerador sira ne’e, ninia montante sira ne’e sei akompaña husi ekipa sira sei fó sai, atu nune’e klinika sira uza sasan sira ne’e ho di’ak, sasan sira ne’e entrega ona, sei hanorin ita nia saúde sira atu bele oinsa atu utiliza ekiipamentus sira ho di’ak" nia esplika.
