Agresaun Fisico Destroi Coesão Sosial

  1. Introdusaun

Qundo iha proseso integrasaun ho Indonesia, Timor Leste infrenta desafius oi-oin, inclui hetan intimidasaun husi militar Indonesia neebe ocupa rai doben Timor Leste. Ema barak maka sai vitima ba hahalok brutal militar sira, lubun boot maka sofre no lubun boot mos tenque mate tamba hahalok intimidasaun ne’e. Hahalok agresaun fisico ne’ebe military Indonesia aplica ba povo Timor Leste, sai simbolo violasaun ba direitus sosiedade Timor Leste. Tamba ne’e agresaun fisico sai nudar hahalok ne’ebe destroi coesão sosial.

Contribuisaun atu cria coesão sosial sai nudar responsabidade sosiedade hotu, inclui instituisaun legal sira ne’ebe existe. Buat barak maka presija atu halo hodi bele atinje coesão sosial ne’ebe nakonu ho estabilidade. Por exemplo contribuisaun religiaun ba coesão sosial liu husi elementos ne’ebe existe iha religiuan ne’e nia laran, no expresa liu husi ritos-ritos religioso (Bernard Raho, Sosiologi Agama, hlm. 220). Instituisaun legal ne’ebe existe iha nasuan ida nia laran, presija contribui integridade atu bele hari coesão sosial. Laos expresa fali halalok ne’ebe contradiktorio, no viola direitu de sosiedade. Seluk fali, lei natural exigi atu respeito direito balun ne’ebe kesi metin iha ema moris ne’e rasik. Tamba ne’e fo sensaun la hanesan ho agresaun fisico, buat rua ne’e diferensa iha nia definisaun no mos diferensa iha nia funsaun.

  1. Agresaun Fisico Destroi Coesão Sosial

Desentendimento entre membros PNTL ho vendedor iha loron hirak liu ba (yutube), hamosu comentario oi-oin husi sosiedade publico, inclui mos acidente ne’e sai material descusaun iha uma fukun parlamento. Deputado/a barak maka la satisfeitu ho hahalok refere, tamba indaca violasaun dereitus humanos. Hodi nune’e exige atu halo proseso tuir lei ne’ebe legal no justo. Seluk fali, exige atu hare uluk akar husi husi problema refere, antes halo argumento ne’ebe fo sala ba parte PNTL. Ho liafuan seluk, presija hare mos prinsipio causalidade (jika, maka). Tuir deputado Jose Agustinho Samocho hateten “lei no normas tenque compri, sei la cumpri hetan sensaun, tamba ne’e presija indentifica, polisia maka viola ou sociedade maka viola?” (chenel yutube sosial media GMTV). Estetmento ne’e, hatur nia prinsipio iha funsaun lei no normas atu regula comportamento sosiedade. Tamba ne’e lei no normas sai hanesan instrumento atu forma comportamento sosiedade nian. Hodi nune’e sei iha sensaun, quando sosiedade la cumpri lei no normas.

Agresaun fisico nudar kategoria sensaun? Sosiedade la cumpri lei no normas tenque hetan sensaun agresaun fisico? Enquanto instituisaun legal ida comprende sensaun hanesan ho agresaun fisico, maka prinsipio direitos humanus sai hanesan teoria deit, la realiza iha moris lor-loron. Prinsipio direitus humano mos nudar lei no normas, ne’ebe existe no exige ema hotu tenque respeita lei no normas ne’e. Tamba ne’e, importante maka halo identificasaun, no labele comprende sensaun hanesan ho agresaun fisico, ou agresaun fisico nudar sensaun ba sosiedade neebe la cumpri lei no normas. Sensaun ne’e significa responsabilidade (ação, punição) ba ema/sosiedade atu obedecer lei no normas. Seraque agresaun fisico significa hahalok brutal ne’ebe ema/sosiedade halo tamba desapontamento. Hodi nue’e buat rua ne’e diferensa iha nia definisaun, inclui mos nia funsaun. Sensaun nudar consequensia ba comportamento ne’ebe la cumpri lei no normas, no agresaun fisiko nudar hahalok brutal ne’ebe contrario ho lei no normas, tamba ne’e sensaun funsiona nudar punisaun ba ema ou sosiedade ne’ebe halo agresaun fisiko, laos sai nudar sensaun ba ema ne’ebe la cumpri lei no normas.

  1. Konslusaun

Lei no normas nudar instrumento atu regula comprtamento sosiedade, no forma sosiedade atu moris tuir prinsipio da bondade. Tamba ne’e presija questiona hahalok agresaun fisica ne’ebe laos sensaun ba comportamentu balun la cumpri lei no normas, maibe viola lei no normas konaba direitus humanos. Seluk fali maka, sensaun ne’e rasik hola parte iha lei nia laran ou sensaun faz parte husi lei ou normas, hodi nune’e fo sensaun tenque tuir procedural ne’ebe lei no normas haruka, laos halo agresaun fisico, lei no normas la haruka atu halo agresaun fisico, maibe punir ema ne’ebe halo agresaun fisico .

Agresaun fisico nudar hahalok ne’ebe la contribui ba coesão sosial maibe destroi coesão sosial, tamba ne’e presija halo diferensa entre sensaun ho agresaun fisico, labele tau hanesan agresaun fisico  ho sensaun, buat rua ne’e hambrik ho nia definisaun rasik no funsaun ne’ebe diferentente. Atu contribui ba coesão sosial, presija mos hanoin ne’ebe kritico para bele desenvolve nasaun Timor Leste ne’ebe nakonu ho unidade no estabilidade, Hodi nune’e, hau hatur buat tolu maka sai alternativo atu solusiona problema refere. Primeiro, presija identifica akar husi problema refere tuir proseso ne’ebe justo no objetivo, Segundo, fo sensaun ba comportamento balun ne’ebe la cumpri lei no normas tuir procedural lei no normas ne’ebe valido, para labele hamosu injustice, treceiro, tau as etika profesionalismo ne’ebe instituisan aplica, para bele cria harmonizasaun no hamosu comportamento respeitu ba malu nudar sidadaun Timor Leste. Ikus liu maka desenvolve Timor Leste atu sai nasaun ne’ebe paz no hakmatek, tamba buat hirak ne’e sai nudar povo nia mehi.     

    

 

 

 

 

 

 


PUBLISIDADE

Online Counter