AMBENO (TOP) – Rejiaun Administrativu Espesial Oe-Kusi Ambeno antes ne’e rezista ema nain tolu (3) maka pozitivu moras virus corona (Covid-19) iha fulan hirak liuba ne’ebé di’ak fali ona, maibé ohin loron rezista tan sidadaun Indonézia ida positivu no sei muda fali ba sala izolamentu hodi hetan tratamentu intensivu liutan.
Tuir informasaun ne’ebé The Oe-Kusi Post (TOP) asesu, sidadaun Indonézia balun ne’ebé nu’udar funsionariu ba empreza Waskita Karya durante ne’e la’o-tama sai Ambeno-NTT, no ida ne’ebé oras ne’e positivu ona ne’e antes ne’e halo hela auto-kuarentena iha Hotel Lifau.
Entretantu, total kazu ativu oras ne’e hamutuk 107.
