Polisia Tranzitu Ambeno Prende Motorizada 32

Oekusipost.com Oe-Kusi Ambeno — Durante fulan Fevereiru 2020 Polisia Unidade Tranzitu (POLTRAS) Rejiaun Administrativu Espesial Oe-Kusi Ambeno (RAEOA) konsege prende motorizada hamutuk 32, no rekoella koima hamutuk $ 1046.

Komandante Polisia Unidade Tranzitu Rejiaun Oe-Kusi Ambeno Inpektur Polisia, Samuel Leki hatete husi total númeru ne’e iha kazu ida de’it mak prosesa ba oin.

“Ha’u hakarak hato’o aktividade iha fulan Fevereiru 2020 iha kazu ida prosesa ba oin ona. Agora dadauk iha ona ministériu Puúbliku, kona-bá infrasaun iha 32 ho nia koima hamutuk $ 1046. Osan hirak ne’e nain rasik mak ba selu direitamente iha banku BNU sukursal Oe-Kusi,” hatete Komandante Leki ba Oekusipost.com iha Oe-Kusi Ambeno, Kinta 5 Marsu 2020.

Eis Komandante Esquadra Postu Nitibe ne’e hatutan, aktividade ne’ebé mak seksaun tranzitu hala’o iha Oe-Kusi la’o di’ak, no kontroladu maibé iha pessoal balun mak seidauk iha konsiensia hodi trata dokumentu transporte nian.

“Komesa husi dadersan ami idak-idak hamrik iha rotunda hodi fó salvasaun ba estudante oan sira inklui ema ne’ebé mak ultrapasa ba Estrada sorin maibé bainhira la’o sala ka hetan dezastre polisia atua ho regulamentu,” nia esplika.

Komandante Leki komenta oras ne’e sei iha motorizada hamutuk 32 mak sei para hela iha kuartel jeral polisia Oe-Kusi Ambeno, no polisia hein hela motor nain sira atu kompleta lai sira nia dokumentu sira molok foti fali. (nin)

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE

Online Counter