CorVid-19: Xefe Suku Naimeko "Duni" Fila Negosiante Husi Merkadu

CorVid-19: Xefe Suku Naimeko "Duni" Fila Negosiante Husi Merkadu

Oekusipost.com Mau-Mate - Xefe Suku Naimeko, Marcos Liu Abi "duni" fila negosiante sira iha merkadu Mau-Mate, tanba merkadu ne'e sei taka fulan ida ba negosiante sira husi fatin seluk durante Estadu emerjénsia. 

Estadu emerjénsia ohin tama ona ba loron ha'at (4) ona, no konsege hamosu dezintendimentu entre negosiante sira iha merkadu Mau-Mate ho Xefe Suku Naimeko.

Mau-Mate tama ba teritóriu suku Naimeko, no fatin ne'e mós nu'udar merkadu boot ida ba povu Oe-Kusi Ambeno husi suku 18. Merkadu Mau-Mate sempre hala'o iha kada loron Tersa.

Tuir observasaun Oe-Kusi Post iha merkadu ne'e katak, iha dadersan de'it makfa'an sira no maksosan sira husi suku oioin nadodon mai ona ho sira nia produtu oioin hodi fa'an iha merkadu ne'e. Ema hahu barak ona iha merkadu laran, infelizmente hasoru loos "impedimentu" husi xefe suku Naimeko hodi "duni" tiha sira fila ho rajaun Estadu bandu ona atu labele hamrik hamutuk iha fatin ida.

Xefe Suku Marcos Liu hatete, la'ós duni, maibé nu'udar autoridade lokal iha kompetensia no dever tomak atu implementa dekretu governu nian kona-bá medida sira durante Estadu emerjénsia hodi prevene no hado'ok a'an husi moras virus corona.

Maibé, povu ain-tanan sira iha foho lolon ne'eba to'o oras ne'e seidauk informadu kona-bá saida mak Nai Ulun sira desidi ona hodi lori tiha Estadu ne'e ba Estadu emerjénsia.

Xefe Suku Marcos Liu argumenta katak, asaun ida ohin ne'e mós nu'udar sosializasaun ida ba komunidade sira hodi hatene kona-bá Estadu emerjénsia.

Nia hatutan, atividade negósiu ki'ik sira bele kontinua la'o, maibé tenke prepara fasilidade hodi fase liman, uja máskara no tenke do'ok malu.   

"Estadu foti ona desijaun katak Estadu emerjénsia, ita prontu koopera atu prevene moras CorVid-19. Ho rajaun ida ne'e durante fulan ida, la'ós taka merkadu, maibé taka ba públiku atu labele mai fa'an," hatete Xefe Suku Marcos Liu Abi ba Oe-Kusi Post iha merkadu Mau-Mate, Oe-Kusi Ambeno, Tersa 31 Marsu 2020.

"Negosiante sira ne'ebé hela iha merkadu laran ne'e sei kontinua hala'o sira nia negósiu hanesan baibain, maibé negosiante sira husi liur mak lori sira nia sasan atu mai fa'an iha merkadu laran, ita taka ba sira durante fulan ida nia laran," nia esplika.



 

Iha fatin hanesan, Komandante Polisia Oe-Kusi Ambeno, Superintendente Xefe Arnaldo de Jesus Araújo katak, PNTL Oe-Kusi Ambeno hahu ejekuta ona dekretu governu kona-bá Estadu emerjénsia iha Oe-Kusi Ambeno hodi prevene propagasaun CorVid-19.

“Bainhira sira la kumpri regra sira ne'ebé Estadu fó sai, PNTL iha obrigasaun atu atua tuir regualmentu ne'ebé mak Estadu fó sai,” esplika Komandante Arnaldo. 

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

CorVid-19: Xefe Suku Naimeko
Watch the video

Oekusipost.com Mau-Mate - Xefe Suku Naimeko, Marcos Liu Abi "duni" fila negosiante sira iha merkadu Mau-Mate, tanba merkadu ne'e sei taka fulan ida ba negosiante sira husi fatin seluk durante Estadu emerjénsia. 

Estadu emerjénsia ohin tama ona ba loron ha'at (4) ona, no konsege hamosu dezintendimentu entre negosiante sira iha merkadu Mau-Mate ho Xefe Suku Naimeko.

Mau-Mate tama ba teritóriu suku Naimeko, no fatin ne'e mós nu'udar merkadu boot ida ba povu Oe-Kusi Ambeno husi suku 18. Merkadu Mau-Mate sempre hala'o iha kada loron Tersa.

Tuir observasaun Oe-Kusi Post iha merkadu ne'e katak, iha dadersan de'it makfa'an sira no maksosan sira husi suku oioin nadodon mai ona ho sira nia produtu oioin hodi fa'an iha merkadu ne'e. Ema hahu barak ona iha merkadu laran, infelizmente hasoru loos "impedimentu" husi xefe suku Naimeko hodi "duni" tiha sira fila ho rajaun Estadu bandu ona atu labele hamrik hamutuk iha fatin ida.

Xefe Suku Marcos Liu hatete, la'ós duni, maibé nu'udar autoridade lokal iha kompetensia no dever tomak atu implementa dekretu governu nian kona-bá medida sira durante Estadu emerjénsia hodi prevene no hado'ok a'an husi moras virus corona.

Maibé, povu ain-tanan sira iha foho lolon ne'eba to'o oras ne'e seidauk informadu kona-bá saida mak Nai Ulun sira desidi ona hodi lori tiha Estadu ne'e ba Estadu emerjénsia.

Xefe Suku Marcos Liu argumenta katak, asaun ida ohin ne'e mós nu'udar sosializasaun ida ba komunidade sira hodi hatene kona-bá Estadu emerjénsia.

Nia hatutan, atividade negósiu ki'ik sira bele kontinua la'o, maibé tenke prepara fasilidade hodi fase liman, uja máskara no tenke do'ok malu.   

"Estadu foti ona desijaun katak Estadu emerjénsia, ita prontu koopera atu prevene moras CorVid-19. Ho rajaun ida ne'e durante fulan ida, la'ós taka merkadu, maibé taka ba públiku atu labele mai fa'an," hatete Xefe Suku Marcos Liu Abi ba Oe-Kusi Post iha merkadu Mau-Mate, Oe-Kusi Ambeno, Tersa 31 Marsu 2020.

"Negosiante sira ne'ebé hela iha merkadu laran ne'e sei kontinua hala'o sira nia negósiu hanesan baibain, maibé negosiante sira husi liur mak lori sira nia sasan atu mai fa'an iha merkadu laran, ita taka ba sira durante fulan ida nia laran," nia esplika.



 

Iha fatin hanesan, Komandante Polisia Oe-Kusi Ambeno, Superintendente Xefe Arnaldo de Jesus Araújo katak, PNTL Oe-Kusi Ambeno hahu ejekuta ona dekretu governu kona-bá Estadu emerjénsia iha Oe-Kusi Ambeno hodi prevene propagasaun CorVid-19.

“Bainhira sira la kumpri regra sira ne'ebé Estadu fó sai, PNTL iha obrigasaun atu atua tuir regualmentu ne'ebé mak Estadu fó sai,” esplika Komandante Arnaldo. 

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE