SAME (TOP) – Vise-Prezidente partidu CNRT atual Sekretáriu Estadu ba Asuntus Kombatentes Libertasaun Nasionál, Gil da Costa Monteiro “Oan Soru” husu ba foin sa’e sira iha rai-laran atu lalika halo juramentu mak foin tam aba partidu politika ruma bas abele estraga aan no lori Estadu demokrátiku ne’e ba fali Estadu monarkia ne’ebé sei laiha liberdade espresaun no liberdade imprensa.
“Imi joven tenke hateke do’ok, labele oho aan sedu. Se la’e, imi nia matenek sai saugati.
Imi nia hun no imi nia abut mak imi nia uma-lisan ne’ebé imi nia avo sira hada hela fatuk, no harii hela ai, la’os iha fatin seluk,” Oan Soru hateten kestaun ne’e liu husi nia diskursu iha kampaña kandidatu PR José Ramos-Horta iha merkadu antigun Same, munisipiu Manufahi iha loron 07 Marsu 2022.
“Atu tama iha organizasaun politika labele jura, tanba ne’e imi oho aan, demokrásia lakon. Kuandu imi jura ona, aban bain-rua buat ne’ebé loos mós loos, no ida ne’ebé sala mós loos hotu. Imi oho aan sedu. Labele oho aan sedu. Bele ba jura ba organizasaun ritual, maibé labele jura iha politika. Ne’e demokrásia mate. Tanba ne’e favor ida, ha’u husu ba alin sira. Imi ida-idak moris mai, moris ho imi nia uma lisan ne’ebé imi nia avo sira ninia hussar hakoi ba,” Oan Soru afirma.
Nia hatutan, aktu halo juramentu ba organizasaun politika ruma ne’ebé mai ho baze organizasaun ritual ka kesi-ikun ba organizasaun ritual ruma sei hamate valor demokrásia ne’ebé ema 200.000 resin mate hodi sosa demokrásia ne’e.
“Aban bain-rua imi atu espressa buat ruma mós labele, tanba imi jura tiha ona, ne’e hamate imi nia liberdade esperesaun no hamate demokrásia”.
