UATULARI (TOP) – Desijaun husi Comitte Central FRETILIN ne’ebé lidera husi Prezidente partidu FRETILIN atual Prezidente Repúblika Francisco Guterres Lú Olo ho nia Sekretariu Jeral FRETILIN Mari Bin Amude Alkatiri durante ne’e deklara ona katak, FRETILIN nia kandidatura mak Francisco Guterres Lú Olo, maibé estrutura FRETILIN iha baze foti desijaun oin seluk hodi apoia fali kandidatu seluk ida.
Tuir informasaun balun ne’ebé The Oe-Kusi Post (TOP) asesu husi pájina ofisial Facebook Jenerál Lere Ba Prezidente Repúblika 2022-2027 katak, militante ho simpatizante FRETILIN iha Uatulari entrega hikas Jeneral Lere Anan Timur no faru FRETILIN/CCF Segunda Geração nudár rekoñesimu ba Jeneral Lere nia papél iha FRETILIN, iha tempu okupasaun no ohin iha tempu ukun rasik an.
Militante ho simpatizante sira husi Uatulari, Viqueque sei vota ba Camarada Lere Anan Timur atu lori fali Timor-Leste ba unidade, estabilidade, paz ho dezenvolvimentu liu husi diálogu nasionál ida entre líder istóriku sira, entre forsa polítika hotuhotu no mós entre sosiedade tomak. Ho unidade, estabilidade ho paz mak ita bele dezenvolve ita nia rai, hadi’a ema nia moris, no garante bem estar ba ema hotuhotu.
