DILI (TOP) - Polísia Nasionál Timor-Leste (PNTL) liuhosi Diresaun Serbisu Investigasaun Kriminál (DSIK) asegura ona "autór" nain rua iha sela polísia, tanba iha indisius envolve iha kazu Trafiku Umanu.
Porta Vos Komandu PNTL, atual Diretor Diresaun Serbisu Investigasaun Kriminál (DSIK) Superintendente Polísia João Belo dos Reis hateten, PNTL kumpri ordem hodi ezekuta mandatu Judisial Primeira Instansia Dili, iha informasaun tolu ida mak halo buska detensaun hasoru sidadaun nain tolu, ne'ebé iha inisiu envolve iha kazu traféku humanu.
Diretor Diresaun Serbisu Investigasaun Kriminál (DSIK) Superintendente Polísia João Belo dos Reis. Credit: Media PNTL.
"Ha'u hakarak infroma ba públiku ohin ita ezekuta mandatu buska aprensaun no detensaun hasoru sidadaun nain tolu, maibé ida ita la konsege halo detensaun, tanba sei iha prosesu administrasaun balun, maibé nain rua ho inisial NSH no IFPS dadaun ne'e ita asegura detein ona iha sela polísia," Diretor Diresaun Serbisu Investigasaun Kriminál (DSIK) Superintendente Polísia João Belo dos Reis hateten ba jornalista sira iha sala konferensia Kuartel jerál PNTL Kaikoli-Dili, Kuarta, 04 Juñu 2025.
Diretór DSIK ne'e informa, dadaun ne'e sidadaun nain rua iha autoridade seguransa PNTL nia fatin hodi submete ba prosesu investigasaun kontinua detein iha sela polísia durante oras 72 tuir ordem mandadu buska aprensaun no detensaun husi Tribunál Judisial Primeira Instansia Dili nian.
"Sidadaun nain rua ne'e envolve iha kazu traféku humanu halo rekrutamentu ilegal atu lori sidadaun Timoroan nain 14 sai husi Timor-Leste atu nasaun Eslobaquia liu husi sira nia kompaña ida ho naran M ne'ebé la rejistu hanesan ajensia rekrutamentu traballador nian, entaun ita simu ordem halo Intervensaun hakarak proteje ita nia sidadaun Timoroan atu labele sai vitima ba kazu Trafiku Humanu iha nasaun seluk," afirma porta Vos Komandu PNTL.
Polísia Nasionál Timor-Leste (PNTL) liuhosi Diresaun Serbisu Investigasaun Kriminál (DSIK) asegura ona autór nain rua iha sela polísia, tanba iha indisius envolve iha kazu Trafiku Umanu. Credit: Media PNTL.
Porta Vos Komandu PNTL ne'e hatutan, dokumentu ne'ebe Autoridade Seguransa PNTL halo buska no aprensaun, dadaun ne'e sei halo verifikasaun no identifika hotu, depois sei relata fali informasaun sira tuir mai ba públiku hodi akompaña servisu Diresaun Servisu Investigasaun Kriminál (DSIK) nian.
"Aktividade ne'ebé kompaña bele halo tuir informasaun ne'ebé ita simu husi vitima sira iha fulan kotuk tama mai, ita seidauk hatene informasaun aktividade la'o kleur ona, maibé ita sei halo investigasaun nain ba kompaña no vitima sira, tanba sira halo ona rekrutamentu ba Timoroan nain 14 atu lori sai husi Timor-Leste ba nasaun Eslobaquia".
PNTL lidera hosi Diretor Diresaun Servisu Investigasaun Kriminál (DSIK) Superintendente Polísia João Belo dos Reis akompaña hosi Xefe Operasaun DSIK ho membru Polísia sira hamutuk ho Servisu Informasaun Polísia kumpri ordem ezekuta mandatu buska aprensaun no detensaun hasoru sidadaun nain rua iha fatin la hanesan ho susesu iha area Juridiku Munisípiu Dili.
Author: The Oekusi PostWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál.
Rua. Numbei, Oe-Kusi Ambeno
Mobile: +670 7723 4114
Email: info (at) OeKusiPost.com
