DILI (TOP) – Vise Ministra Finansa Sara Lobo Brites hateten Pagamentu suplementu remuneratoriu ba funsinariu ne'ebé mak durante servisu iha liña frente laiha limitasaun.
Fundu Covid-19 laiha Prazu tanba fundu Covid-19 ne'e, enkuadra iha Orsamentu Jeral Estadu 2020. Tentu ezekusaun to'o loron kinta 3 dezembru 2020.
"Prazu ba fundu Covid-19 la iha tanba fundu Covid-19 ne'e enkuadra iha Orsamentu Jeral Estadu 2020, tantu nia ezekusaun to'o loron kinta 31 ezembru 2020, ne'ebé fundu Covid-19 ne'e laiha limitasaun atu taka fali ninia prosesu," dehan vise ministra Finansa Sara Lobo Brites ba jornalista sira hafoin enkontru semanal ho Primeiru Ministru Taur Matan Ruak iha Palasiu Governu Dili, Segunda 19 Outubru 2020.
Sara Lobo akresenta, ultimu reuniaun antes ba iha Parlamentu Nasional más parte tekniku sira asegura hela tanba pagamentu hotu hotu kuaze ministeriu ida-idak servisu hamutuk ho sekretariadu para bele aprezenta dadus, aprezenta naran hodi bele ba halo pagamentu ne'ebé laiha obstaklu.
"Pagamentu ba ema hotu hotu ne'ebé mak define iha lei katak sira iha direitu, sira tenke simu sira nia direitu liu-liu ba media sira no funsionariu sira ne'ebé mak durante involve iha liña frente ne'e," nia afirma.
