Tribunal Ambeno adia julgamentu ba arguidu APB

SANTA ROSA (TOP) – Tribunal Distrital Oe-Kusi Ambeno adia prosesu julgamentu ba arguidu nain 3 inklui arguidu APB ne’ebé deskonfia involve iha kazu agresaun fizika hasoru mestre Domingos Nesi iha tinan 2019.

Prosesu julgamentu ba kazu ne’e hahu ona iha loron 8-9 Jullu foin lalais, no desidi atu kontinua julga tan iha loron Segunda 20 Jullu oras tuku 2 lorokraik, maibé adia fali ba loron 24 Jullu oras tuku 3 lorokraik, tanba juíz administrador hetan konvite hodi partisipa ba seremónia tomada posse ba sekretáriu superior I sekretáriu judisiais.

Advogadu privadu, Daniel Elo ne’ebé fó asistensia legal ba arguida sira katak, prosesu julgamentu ba kazu ne’e sei kontinua fali iha loron 24 Jullu, tanba juíz okupadu hela hodi partisipa seremónia posse ba sekretariadu superior judisiais iha Dili.

“Ohin dader ami simu ona notifikasaun husi Tribunal katak julgamentu adia ba dia 24 Jullu 2020 oras tuku 3:00 lorokraik, tanba juíz hetan konvite husi Prezidente Tribunal Rekursu atu partisipa seremónia tomada posse ba sekretáriu superior I sekretáriu judisiais Tribunal Dili, Baukau, Suai, no Oe-Kusi Ambeno nian ne’ebé hala’o iha loron Segunda 20 Jullu 2020,” hateten advogadu Daniel ba The Oe-Kusi Post (TOP) iha nia serbisu fatin, Santa Rosa, Oe-Kusi Ambeno, Segunda 20 Jullu 2020.

Kazu ne’e ho Número Unidade do Crime (NUC 0081/19.OESIC), iha iha loron Tersa 7 Jullu, Tribunal Distrital Oe-Kusi Ambeno hahu halo julgamentu ba dala uluk ba kazu ne’e.

Ministériu Públiku (MP) Rejiaun Administrativu Espesial Oe-Kusi Ambeno (RAEOA) akuza ema nain ha’at (4) mak sai arguidu ba kazu agresaun fiziku hasoru mestre Domingos Nesi iha loron 2 Juñu 2019.

Arguidu nain 4 ne’e mesak mai husi arguidu APB nia uma laran de’it hanesan arguida SFPB alias MB, arguidu PJCD, no arguidu LASCP.

Notisia relevante: Arguidu APB ho arguidu nain 3 ataka lesuk mestre ida.

No prosesu julgamentu iha loron 8 Jullu, sasin Petronela hare arguidu sira ataka lezadu.

Notisia relevante: Sasin Petronela hare arguidu sira ataka lejadu.

 

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE