PR Horta vizita ETO Tower

DILI (TOP) - Prezidente Repúblika, José Ramos-Horta hala'o vizita dahuluk ba ETO TOWER nu'udar edifísiu sentrál ba kompañia ETO GROUP, iha área Mandarin, Dili.

Tuir informasaun ne’ebé The Oe-Kusi Post asesu husi Pájina Ofisiál Palásiu Prezidensiál katak, Prezensa Prezidente Ramos-Horta nian atu fó apresiasaun ba inisiativa investimentu husi Timor-oan rasik ne'ebé lidera ETO GROUP, Nilton Telmo Gusmão sai susesu boot hodi hatudu katak Timor-oan rasik mós bele ona iha vida emprezariál ho kapitál finanseiru ne'ebé signifikativu.

Prezidente Repúblika, José Ramos-Horta iha ETO Tower. Credit: Media PR.

Alende ida-ne'e, Prezidente Ramos-Horta prenxe mós programa iha NTV no Rádiu RAFA nu'udar kanál média ne'ebé inklina iha ETO GROUP hodi ko'alia kona-ba emisaun kopa mundiál 2026 ne'ebé sei fó sai liuhusi kanál NTV no RTTL, EP iha Timor-Leste.

Tanba ne'e, Xefe Estadu konvida amante futeból sira iha Timor-Leste atu kontinua mantein pás no estabilidade iha idak-idak nia fatin nune'e bele hatudu euforia Timor-oan nian ba kopa mundiál iha kontinente Amérika ne'ebé sei hala'o iha fulan-oin.

Author: The Oekusi PostWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.

www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál. Rua. Numbei, Oe-Kusi Ambeno Mobile: +670 7723 4114 Email: info (at) OeKusiPost.com