DILI (TOP) — Membru FALINTIL – Forsa Defeza Timor-Leste (F-FDTL) hamutuk nain 30 ne’ebé iha loron 30 fulan Agostu ba tuir ezersisiu predatoran iha Darwin, Austrália rezulta membru nain- tolu hetan asidente viatura tátika.
Membru F-FDTL ne’ebé mak hetan asindente viatura iha ezersisiu predatoran mak Feto ida no mane nain-rua mak Tenente Juvinal Ribeiro, Kabu Agustinha dos Santos, no soldadu Bartolomeu de Sousa Nunes.
Portavós Komandu F-FDTL, Adjuntu Estadu Capitão de mar e guerra João da Silva hateten, mundu ohin loron era dijital, nune’e bainhira mosu akontesimentu ruma mundu tomak hatene hotu ona.
“Realidade akontesimentu ne’ebé mak iha Austrália involve membru F-FDTL ne’e ofissiálmente ami sidauk iha dokumentu ofisiál ne’ebé mak komprova, akontesimentu asidente viatura tátiku ne’ebé mak iha Austrália liu-liu iha Norte Darwin. Maibé, tanba ho meius teknolojia ohin loron, ita boot sira mós rona ona, tanba ida ne’e mak ha’u hakarak atu esplika katak, iha duni akontesimetu asidienti iha ezersisu ida naran Predatoran ne’e ezersisiu kombinadu entre forsa armada ne’ebé mak involve husi nasaun barak,” Portavós Komandu F-FDTL Adjuntu Estadu Capitão de mar e guerra João da Silva hateten via konferensia ba imprensa iha Kuartel Jerál F-FDTL iha Fatuhada-Dili, Sesta 01 Setembru 2023.
Portavós ne’e hatutan, asidente ne’e tuir informasaun ne’ebé husi komandu F-FDTL simu ona katak, ema nain-tolu mak hetan kanek agora daudauk ne’e tratamentu la’o hela ospitál militár Australia nian. Ezersisiu ne’e bolu ezersisiu kombinadu ne’ebé mak involve nasaun barak, hanesan Timor-Leste, Indonézia, Filipina ho nasaun seluk iha pasifiku.
