OEL-BAMBAI (TOP) – Padre Eugénio Redentor Marques Caunan Lafo hamonu mataben bainhira dirije misa agradesimentu hamutuk sarani sira.
Na’i-lulik foun ne’e konta sai nia historia moruk, tanba mai husi familia ki’ak ema barak hakribi sira, tanba sira nia avo sofre moras mental, maibé ho grasa Na’i Maromak susar, no terus ida ne'e nakfilak-an ba kontente.
“Ha’u hanoin misa ida ne’e depois de tinan 500 misionáriu sira mai, misa ida ne’e foin primeira vez iha knua ida ne’e tanba ne’e ami sente ida ne’e ksolok teb-tebes no merese duni atu agradese ba Maromak, atu dehan orgullu mós labele, tanba São Paulo dehan sei hahi-an karik hahi-an iha Maromak,” hateten Pe. Eugénio iha nia homilia misa agradesimentu ne’ebé hala’o iha estasaun misionáriu Oel-Bambai, aldeia Sifin, suku Usitasae, postu Oe-Silo, Oe-Kusi Ambeno, Sábadu 22 Agustu 2020.
"Maibé atu dehan agradesidu loos duni, ami agradese tanba loloos karik ami la merese grasa ida ne’e, maibé tanba Maromak Nia laran-luak, Maromak Nia domin tan Maromak Nia bensaun ita bele selebra hamutuk misa iha fatin ida ne’e, momentu ida ne’e sei marka iha ami nia istoria suku no misionariu estasaun inian momentu ba dala uluk iha ami nia fatin moris," nia esplika.
Nia dehan, merese duni atu hanaran misa ida ne’e, misa agradesimentu tanba ita laiha kbi’it, ita la soi atu selu Maromak Nia di’ak, ita halo de’it mak agradesimentu nu’udar ita nia ksolok ba grasa, ba kmanek, ba di’ak oi-oin ne’ebé ita simu.
"Hau hanoin loron ida ne’e halo ita hanoin fali iha tinan 70 liu-ba, se la sala pelu-menus, ha’u sei hanoin Maromak la’o liu husi knua ida ne’e, ho prezensa Amo João Roki Fagundo Martins, avo mestri Luis Koreia, naroman ida mai liu husi fatuk ida iha Pune. Naroman ida ne’e uluk ami simu duni ami hetan ami lori mais lakon tiha iha dalan klaran tamba nakukun domina tanba ami nia kbi’it la to’o komprensaun la to’o," nia relembra.
Nia dehan, ferik-katuas sira hahi no adora Maromak desde uluk kedas, maibé adora iha ai, no fatuk de’it, seidauk adora direita ba Maromak, tanba nakukun mak domina sira iha tempu ne’eba.
“Maibé ohin naroman ne’e to’o mai ona, ami hakat liu ida ne’e naroman ne’e sa’e ona, nia la tun fali ona tanba nakukun ami manan tiha ona”.
Na’i Lulik Eugénio Redentor Marques Caunan Lafo moris iha Numbei, Oe-Kusi Ambeno iha loron 17 abril 1987. Oras ne’e sai ona bibi atan atu haklaken Maromak nia domin no dame ba sarani sira iha mundu raiklaran.
Pe. Eugenio moris mai husi jerasaun lisan Obeun Caunan, estasaun Misionáriu Oel-Bambai paroku kurasaun de Jesus Oe-Silo. Nai Lulik ne’e mai husi ai-fuan domin Venáncio Lafo no Rita do Rosário Marques.
Pe. Eugénio Nudar oan daha’at husi maun alin nain 6 mak hanesan, António Marques Caunan Lafo (Matebian), Merita Marques Lafo (kazada), Fredelito Venáncio Marques Caunan Lafo (kazadu), Pe. Eugénio Redentor Marques Caunan Lafo, João Paulo Marques Caunan Lafo, no Elio Augusto Marques Caunan Lafo
Simu sakramentu
- Simu sakramentu Batismo iha paroquia Nossa señora do rosario de oe-kusi husi Pe. Petrus Rusae SVD, iha loron 2julho 1987
- Simu primeira Comunhão iha paroquia Nossasora do Rosario de numbei oe-kusi ambeno husi Pe. Yustinus Tegu Wona SVD, iha novembro 1997
- Simu sakramentu Krisma iha paroquia sagrada Corasaun de Jesus Venilale, husi Dom Basilio do Nascimentu iha julho 2002
Estudu Formal
- Hahu eskola primaria iha eskola primaria No. 1 SDN Pante makasar iha 1993-1999
- Frequenta estudu iha eskola Pré-secundaria iha Pré-aspirantado Beato Filipe Rinaldi Venilale iha 1999-2002
- Kontinua estudu iha nivel secundario iha Colégio são José Balide dili iha 2002-2005
Formasaun iha seminario
- Tama seminario menor Nossa Señora de Fatima Balide Dili hahu 2002-2005
- Kontinua ba seminario ano propedeútico iha seminário menor nossa señora de Fatima balide dili husi tinan 2005-2006
- Iha loron 15 setembro kontinua halao formasaun no estudu iha seminario maior interdiocesano de são Pedro no são Paulo Fatumeta dili 2007-2017
- Frequenta estudu de filosofia iha institute superior filosofia e de Teologia Dom Jaime Garcia Goulart fatumeta iha tinan 2007-2011
- Depois de estudu filosofia, kontinua estudu de teologia iha institute superior filosofia de teologia Dom Jaime Garcia Goulart fatumeta iha 2014-2017
Estagio tinan pastoral
- Iha tinan 2006, hala’o estagio pastoral ba dahuluk iha paroquia nossa señora Dorosario oe-kusi ambeno
- Iha tinan 2012 hala’o estagio pastoral iha UNIO Training Centre Maloa no ajuda mos iha Radio Timor Kmanek (RTK)
- Iha tinan 2015 hala’o estagio pró Diaconado iha paroquia Nossa señora do Carmo Letefoho to’o ohin loron.
Ordem Menor
- Simu ministerio leitorado nian iha iha loron 29 junho 2011, iha festa solenidade são Pedro no são Paulo husi Exelentissimo e Reverendissimo Dom Alberto Ricardo da Silva (Matebian) bispo Dili iha Seminario maior fatumeta
- Simu ministerio acolitadu nian iha loron 29 junho 2012, iha festa Solenidade São Pedro no são Paulo husi Exelentissimo e Reverendissimo Dom Alberto Ricardo da Silva (Matebian) bispo Dili iha Paroquia Aileu
- Iha loron 19 Marsu 2019, iha solenidade de São Jose, esposo de Virjen Maria simu ordenasaun diaconal husi husi Exelentissimo e Reverendissimo Dom Virgilio do Carmo da silva SDB iha sé Catedral Dili.
Iha loron 27 novembro 2019, iha festa nossa señora da Graça simu ordenasaun sacerdotal husi husi husi Exelentissimo e Reverendissimo Dom Virgilio do Carmo da silva SDB, Arcebispo Metropolita Dili iha Paroquia oe-K usi.
