DILI (TOP) – Hafoin ezone membru governu nain ualu (8), Prezidente Repúblika (PR) Francisco Guterres Lú Olo desidi ona hodi fó tomada posse ba membru governu hamutuk nain 21 iha loron Kuarta 24 Juñu 2020 oras tuku 4 lorokraik iha Palásiu Prezidensial Ai-Tarak Laran, Dili.
Tuir komunikadu imprensa ne’ebé The Oe-Kusi Post asesu husi Palásiu Prezidensial Tersa 23 Juñu 2020 katak, Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 45/2020, 46/2020, 47/2020, 48/2020, 49/2020, 50/2020, 51/2020, 52/2020, no 38/2020 ezonera membru VIII Governu Konstitusionál na’in-ualo husi ninian funsaun bazeia ba proposta husi Primeiru Ministru.
Membru Governu na’in-ualo ne’ebé hetan ezonerasaun husi Prezidente Repúblika mak hanesan Ministru Negosius Estranjeirus no Kooperasaun, Dionísio da Costa Babo Soares, Ministra Edukasaun Juventude no Desportu, Dulce de Jesus Soares, Vise-Ministru Edukasaun Juventude no Desportu, João Zacarias Freitas Soares, Vise-Ministru Administrasaun Estatal, Abílio José Caetano, Sekretáriu Estadu ba Juventude no Desportu, Nélio Isaac Sarmento, Sekretáriu Estadu ba Formasaun Profisionál no Empregu, Julião da Silva, Sekretáriu Estadu ba Kooperativas, Arsenio Pereira da Silva, no Sekretáriu Estadu ba Protesaun Sivíl, Alexandrino Xavier Araújo.
Entretantu, PR Lú Olo mós liuhusi Dekretu Prezidente Repúblika númeru 53/2020 nomea membru VIII Governu Konstitusionál na’in-21.
Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu bazeia ba proposta husi Primeiru Ministru. Membru Governu na’in-21 ne’ebé hetan nomeasaun husi Prezidente Repúblika mak hanesan, Vise Primeiru Ministru no Ministru Planu no Ordenamentu, José Maria dos Reis, Ministru Koordenadór Assuntus Ekonómikus, Joaquim Amaral, Ministru Negosius Estranjeirus, Adaljiza Albertina Xavier Reis Magno, Ministru Edukasaun, Juventude no Desportu, Armindo Maia, Ministru Turismu, Komérsiu no Indústria, José Lucas do Carmo da Silva, Ministru Interior, Taur Matan Ruak, Ministru Petroleu no Minerais, Víctor da Conceição Soares, Vise-Ministru Negosius Estranjeiru no Kooperasaun, Julião da Silva, Vise-Ministru Justisa, José Edmundo Caetano, Vise-Ministru Administrasaun Estatal, Lino de Jesus Torrezão, Vise-Ministru Saúde, Bonifacio Mau Coli dos Reis, Vise-Ministru Edukasaun, Juventude no Desportu, António Guterres, Vise-Ministru Komérsiu no Indústria, Domingos Lopes Antunes, Vise Ministru Turismu Komunitária no Kulturál, Inacia da Conceição Teixeira, Vise-Ministru Agrikultura no Peskas, Abilio Xavier de Araújo, Vise-Ministru Interior, Antonino Armindo, Sekretáriu Estadu Formasaun Profisionál no Empregu, Alarico de Rosário, Sekretáriu Estadu Kooperativas, Elizario Ferreira, Sekretáriu Estadu Peskas, Elídio de Araújo, Sekretáriu Estadu Juventude no Desportu, Abrão
Saldanha, Sekretáriu Estadu Protesaun Sivil, Joaquim José Gusmão dos Reis Martins.
Prezidente Repúblika, Franciso Guterres Lú Olo, sei fó posse ba membru Governu na’in-21 iha kuarta feira, 24 juñu 2020, tuku 16.30 iha Palásiu Prezidensiál Nicolau Lobato.
