DILI (TOP) — Familia sira konsege hetan tan oan vitima António Alves (53) nu’udar nain ba ADEWA-01 ho kondisaun mate ona iha tasi laran iha parte Atauro nian.
Tuir video badak ida ne’ebé The Oe-Kusi Post (TOP) asesu, prosesu buka tuir vitima ne’e mai husi inisiativa familia sira rasik hafoin rona katak matebian António Alves mós hetan dezastre ho ro ne’ebé tula simentu saku 50 ho sasan sira seluk bainhira sai husi Dili ba Atauro iha Sábadu dadersan.
Familia vitima konsege hetan mate-isin António Alves namlele hela iha tasi leten iha loron Segunda 17 Maiu 2021 oras tuku 3 lorokraik.
Hafoin aprezenta mate-isin ne’e bai ha Unidade Polisia Maritima, familia sira evakua kedas mate-isin ne’e ba nia hela fatin iha, suku Beloi, Atauro, munisipiu Dili.
Nune’e, oras ne’e dadauk falta ema nain-rua maka seidauk hetan sira nia paradeiru.
Dezastre ro mout ne’e, rezulta ema nain rua maka mate ona, no nain tolu moris. Falta nain-rua maka seidauk hetan sira nia paradeiru loloos.
