Natureza Siak Hodi Tebe Lunturu

Natureza Siak Hodi Tebe Lunturu

Oekusipost.com Dili - Loron Sesta 13 Marsu 2020, oras tuku 4, komunidade sira iha Dili halo sira nia atividade hanesan baibain. Balun tur hamutuk dada lia kona-bá impase polítika ne'ebé seidauk iha rohan, balun sei iha hela servisu fatin, no balun halo ezersisiu iha tasi ibun rai nehek mutin Kristu Liu Rai, no balun ba tuir Via Sakra.

Iha lorokraik ne'e roman loron matan nian lakonsege tiru borus kalohan metan ne'ebé hahu hatudu nia oin siak hodi hafalun metin Fatu Ahi nia tutun. Ai-tahan sir a mós la bo'ok aan basa anin la'ek. Kalohan metan ne'e mahar tebes hodi provoka udan hahu subiska to'o akontese udan boot hodi habokon ita isin, habokon kriatura tomak no hamosu inundasaun boot ida hodi fila tiha sidade Dili ba sidade mota.

Inundasaun ne'e kuaje atu hanesan ho inundasaun ida iha tempu Profeta Noé nian, maibé la to'o, tanba ne'e akontese iha sidade Dili de'it, la'ós iha mundu tomak.

Tuir observasaun Oekusi Post nian, udan ne'ebé akontese iha oras balun nia laran de'it rezulta uma lubuk ida mak bee hoban no mota boot mós halakon tiha ema nia moris.

Bee merak sira ne'ebé sulin tun mai husi foho Balibar, Dare no Fatu Ahi halo ita ema tahan mós labele, tanba bainhira natureza siak hodi fila kotuk ba ema, buat hotu sei rahun. Buat hotu sei mout, buat hotu sei sai dodok hanesan bee hoban dodok dadauk uma lubuk iha Dili laran.

 

Nune'e, atu hakalma natureza labele siak demais, ita ema mós labele estraga natureza nia furak, labele tesi ai arbiru.

Entre ema ho natureza tenke hadomi malu, tenke koidadu ba malu to'o mundu ne'e nia rohan.

Natureza Siak Hodi Tebe Lunturu
Watch the video

Oekusipost.com Dili - Loron Sesta 13 Marsu 2020, oras tuku 4, komunidade sira iha Dili halo sira nia atividade hanesan baibain. Balun tur hamutuk dada lia kona-bá impase polítika ne'ebé seidauk iha rohan, balun sei iha hela servisu fatin, no balun halo ezersisiu iha tasi ibun rai nehek mutin Kristu Liu Rai, no balun ba tuir Via Sakra.

Iha lorokraik ne'e roman loron matan nian lakonsege tiru borus kalohan metan ne'ebé hahu hatudu nia oin siak hodi hafalun metin Fatu Ahi nia tutun. Ai-tahan sir a mós la bo'ok aan basa anin la'ek. Kalohan metan ne'e mahar tebes hodi provoka udan hahu subiska to'o akontese udan boot hodi habokon ita isin, habokon kriatura tomak no hamosu inundasaun boot ida hodi fila tiha sidade Dili ba sidade mota.

Inundasaun ne'e kuaje atu hanesan ho inundasaun ida iha tempu Profeta Noé nian, maibé la to'o, tanba ne'e akontese iha sidade Dili de'it, la'ós iha mundu tomak.

Tuir observasaun Oekusi Post nian, udan ne'ebé akontese iha oras balun nia laran de'it rezulta uma lubuk ida mak bee hoban no mota boot mós halakon tiha ema nia moris.

Bee merak sira ne'ebé sulin tun mai husi foho Balibar, Dare no Fatu Ahi halo ita ema tahan mós labele, tanba bainhira natureza siak hodi fila kotuk ba ema, buat hotu sei rahun. Buat hotu sei mout, buat hotu sei sai dodok hanesan bee hoban dodok dadauk uma lubuk iha Dili laran.

 

Nune'e, atu hakalma natureza labele siak demais, ita ema mós labele estraga natureza nia furak, labele tesi ai arbiru.

Entre ema ho natureza tenke hadomi malu, tenke koidadu ba malu to'o mundu ne'e nia rohan.

PUBLISIDADE