DILI (TOP) – Udan boot ne’ebé akontese iha munisipiu Kovalima rezulta bee sa’e maka’as ba komunidade sira nia hela fatin inklui prijaun iha Suai.
Ho dezastre natural ne’e, obriga guarda prizioneiru sira tenke muda prizioneira sira hamutuk nain 118 ba hela fali iha aeroportu Komandante em Xefe das FALINTIL Kay Rala Xanana Gusmão.
Tuir informasaun ne’ebé The Oe-Kusi Post (TOP) asesu, ho situasaun ne’e ikus mai parte ANATL, E.P mós fó autorizasaun ba guarda priozioneiru sira hodi tenke muda sai prizioneiru sira nain 118 husi prijaun Suai ba hela fali iha aeroportu Komandante em Xefe das FALINTIL Kay Rala Xanana Gusmão.
Iha parte Suai Loro mós bee sa’e maka’as hodi difikulta tebes parte seguransa labele tama salva komunidade sira nia hela fatin, tanba tauk lafaek, no uma kain 7 iha Akar-Laran mós evakua ona ba sentru.