TOP (DILI) – Prezidente Federasaun Futebol Timor-Leste (FFTL) atual Ministru ba Assuntu Parlamentar no Komunikasaun Sosial (MAPKOMS), Francisco Martins da Costa Pereira Jerónimo ohin kalan la toba ona iha resintu FFTL.
Prezidente FFTL atual Ministru ba Assuntu Parlamentar no Komunikasaun Sosial (MAPKOMS), Francisco Martins da Costa Pereira Jerónimo. Foto Media MAPKOMS.
Iha akontesimentu ne’e, família hosi ezekutivu FFTL nian ne’e hamriik, baku no rakut, funsionária FFTL ne’e no baku-rahun karreta marka Nisan ne’ebé funsionária FFTL ne’e nian tanba família deskonfia karreta ne’e rezultadu hosi amante maka pesoál ezekutivu FFTL ne’e sosa ba funsionária ne’e.
Kareta Nissa rahun./Net
Família sira la simu no halo barullu iha resintu FFTL. Tanba durante ne’e pesoál ezekutivu FFTL ne’e la tama uma no dezde kedas hahú Covid-19, pesoál ezekutivu FFTL ne’e uza dormitóriu Xanana Sport Centre hodi sai hela fatin ho nia amante ne’ebé nu’udar mós funsionária FFTL nian.
The Oe-Kusi Post (TOP) hakat ba observa edifisiu F-FTL iha Domingu, 14 Novembru 2021 hahu husi oras tuku 9 to’o tuku 11 kalan, hetan de’it kare bus FFTL nian maka para iha fatin ne’e.
“Agora sira la toba ona iha fatin ne’e. Nia tauk ona toba iha ne’e, nia buka fali fatin seluk ona,” katak pessoal importante ida husi FFTL ba TOP, Domingu 14 Novembru 2021.
Ambiente edfisiu FFTL iha Domingu kalan hakmatek loos. Foto TOP.
Kazu ne’e mosu iha resintu FFTL, la’os iha Comitte Central FRETILIN (CCF). Ho notisia husi media online Hatutan.com ne’e konsege halo Francisco Martins da Costa Pereira Jerónimo la’os rezignaa husi nia kargu nu’udar Prezidente FFTL, maibé desidi rezigna aan fali husi CCF. Situasaun ne’e kontrariu tebes. Katar iha ulun, koir fali iha ain.
Tanba konsidera kazu ne’e soke nia reputasaun, no nia privasidade, Francisco Jerónimo katak ona sei lori kazu ne’e ba Tribunál atu bele hetan lia-loos no justisa.
Governante mai husi partidu FRETILIN ne’e katak, nia parte halo ona klarifikasaun liuhusi konferénsia imprensa kona-ba insidente iha resintu FFTL ne’e iha Sede Comite Central FRETILIN (CCF) no rejeita total informasaun ne’ebé espalla iha públiku, katak insidente ne’e iha relasaun ho deskonfia subar amante iha Xanana Sport Centre.
“Prezidente FFTL uluk, Francisco Kalbuadi Lay, bele uza nusa ha’u labele. Pergunta mak ne’e,” nia hateten ba jornalista sira bainhira halo enserramentu ba Kongresu Estra-ordináriu organizasaun jornalista Timor Leste Press Union (TLPU) iha Salaun Delta Nova, Díli, Sábadu, 13 Novembru 2021.
Author: The Oekusi PostWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál.
Rua. Numbei, Oe-Kusi Ambeno
Mobile: +670 7723 4114
Email: info (at) OeKusiPost.com
