Aniceto: ohin ha’u tenke submete ona resposta ba TR

DILI (TOP)—Prezidente Parlamentu Nasionál (PPN) deputadu Aniceto Longuinhos Guterres hateten ohin loron ikus atu fó resposta ba notifikasaun husi Tribunál Rekursu (TR) kona-ba Orsamentu Jeral Estadu (OJE) tinan fiskál 2021.

“Tempu no nia prazu hotu aban ne’ebé ohin bele dehan katak ultimu dia, no ohin ha’u tenke submete ona resposta ba tribunal rekursu, seremonia ne’e hotu hau ba haree hotu haruka ona ba tribunal rekursu,” hateten Aniceto ba jornalista sira iha Parlamentu Nasionál, Dili Kuarta 10 Fevereiru 2021.

Nia hatutan, posisaun ba prezidente parlamentu nasionál nian ne’e hanesan komvidensial tanba tribunal mak hatene.

“Prezidente repúblika promulga tiha ona maibé hanesan parte interesante sira hanesan deputadu bele kestiona ne’e normal, kestiona kona-ba orsamentu ne’e no rekere inkonstitusionalidade ka ilegalidade ne’ebé prosesu la’o hela Tribunal rekursu mak tetu,” nia informa.

Deputadu Aniceto Longuinhos Guterres ne’e konta, Tribunal Rekursu mak tetu no notifika ne’e tama mai parlamentu nasionál hanesan ema Prezidente Parlamentu ba atu hatan ba sira nia rekerimentu ne’e ka sira asuntu ne’ebé sira hato’o ona.

“Ha’u hanoin laiha problema ba Orsamentu Jeral Estadu tinan fiskál 2021 tanba lei ne’e ema halo la’os atu prezudika fali vida moris povu nian ne’e para atu asesu tribunal mos haree situasaun sira ne’e ,” nia hakotu.

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE