DILI (TOP) – Feto nain-rua oras ne’e tenke baixa iha Sentru Saúde Comoro, Dili tanba sira nia isin sai maten hotu hafoin konsumu ai-han Cesta Báziku ne’ebé simu husi governu iha tempu hirak liuba.
Pasiente rua ne'e husi aldeia Delta 3 Suku Comoro, Postu Administrativu Dom Aleixo Munisipiu Dili, simu ai-han Cesta Bázika iha kompañia leader besik igreza Ai-Mutin nian.
"Ohin sira grave hotu, sira nia isin maten hotu, agora hemu ona aimoruk no monta soru ben ba sira ne'e maka di’ak itoan," hateten familia pasiente Maria Gomes Barros ba jornalista sira iha sala baixa emerjensia Sentru Saúde Comoro, Dili Tersa, 12 Janeiru 2021.
"Ohin dadersan sira hamanas fali hodi matabixu ba dader nian. Entaun ohin ba meudia komesa provoka sira muta barak, no lanu, lahatene ninia impaktu ne'e saida, husu ba sira dehan sira han maka hahan ida horseik sira simu ne'e, sira tein foos ida horseik sira simu ne'e,” Maria esplika.
Familia ne'e hatutan, se alin nain-rua moras babain ne'e, entaun na'in ida de'it maibé uma laran moras hotu kedas ne'e, labele, tanba sira komsumu hahan Cesta Bázika duni hahu horkalan to'o ohin dadersan ne'e.
"Ha'u hasoru dadaun ne'e problema ne'ebé maka ha'u nia alin sira iha na'in tolu dadaun ida sei mai fali, na'in tolu maka hela hamutuk iha kos ida. Horsehik ha'u ba vizita sira, sira dehan simu ona hahan Cesta Bázika, Iha leader nian besik ba igreja Ai-Mutin nia sorin”.
Baros kontan, nain rua ne'e han na'an karau no na'an fahi ne'ebé maka eskalda dalarua, depois sira sona hotu, alin nain rua han iha horkalan ne'e, no horkalan moras ne'e la akontese.
"Alin sira hakarak simu, hodi han duni, hahan fó husi Estadu, maibé sira nia hahan iha hela uma. La'os katak ami hahan laiha, tanba konsidera hanesan ita nia governu maka fó ba kompañia, kompañia fahe ba povu sira, entaun ami simu”.
Maria Barros iha Sentru Saúde Comoro. Foto TOP/Marcelino Bata.
Barros argumenta, ba problema ida ne'e, nudar familia la halo keixa hodi problema ne'e sai boot , tanba agora alin nain rua di’ak ituan ona. No nia husu ba kompañia nain sira ba oin favór ida hare didiak para labele prezudika moras hanesan ne’e.
TOP tenta ona halo konfirmasaun ba responsavél kompañia ne’e iha Igreja Ai-Mutin nia rosin, maibé lahetan atendimentu, tanba okupadu.
Author: Marcelino BataWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
Jornalista
Jornalista TOP.
Bandu atu simu envelope ka sasan ruma husi fonte informasaun sira.
