Oekusipost.com Dili – Governu kontinua halo promesa hodi fahe osan hamutuk dolar amerikanu atus ida ($100) ba agregadu familia iha rai-laran.
Tuir komunikadu imprensa governu nian ne’ebé Oe-Kusi Post asesu katak, reuniaun Konsellu Ministru sira ne’ebé hala’o iha Auditóriu Kay Rala Xanana Gusm ão, iha Ministériu Finansas, iha Dili no aprova tiha projetu Dekretu-Lei, ne'ebé aprezenta husi Ministra da Soliedariedade Sosial no Inkluzaun, Armanda Berta dos Santos, kona-ba apoiu monetáriu ba agregadu familiar sira iha ambitu pandemia COVID-19.
“Medida ida-ne’e nu’udar intervensaun ida ba kurtu prazu nian, hodi enfrenta impaktu prejudisiél, Iiuhosi meiu subsisténsia ba familia ne’ebé nia rendimentu ki’ik iha territoriu Iaran tomak, tan provoka husi covid-19,” promesa governu liu husi komunidade ba imprensa, Kinta 23 Abril 2020.
“Ema sira ne’ebé mak sei sai nu’udar benefisiariu mak agregadu familiar sira ne’ebé kompostu hosi pelumenuz sidadaun ida, ne‘ebé rejista ona to’o Ioron-31 fulan marsu 2020 iha Livru Rejistu " Uma Kain” no iha familia ne’e nia Iaran nia elementu ida fulan-fulan no regular simu osan boot Iiu 500 dollar amerikanu”.
“Apoiu ne'e sei ho osan 100 dollar amerikanu fulan-fulan ba agregadu familiar. Pagamentu sei halo hahu hosi fulan tuirmai hafoin aprova tiha diploma ida-ne'e no kustu hotu sei finansia hosi Fundu covid-19”.
Konsellu Ministru mós aprova tiha ona atu sosa foos husi Vietname. Proposta ne’e propoin husi Ministru Koordenador ba asuntu Ekonómiku en ezersisiu, Fidelis Leite Magalhaes hodi reforsa stock foos ne'ebé daudauk ne’e eziste hela no hodi bele hatun ba atuasaun susar ruma ne'ebé bele mosu karik durante pandemia oovid-19.
Antes ne’e, reuniaun Konsellu Ministru sira iha loron 8 Abril liuba, Ministru Koordenadór ba Assuntu Ekonómiku iha ezersísiu, Fidelis Manuel Leite Magalhães aprezenta proposta kada uma kain sira atu hetan osan $100 durante Estadu emerjénsia, infelizmente to’o ohin loron sei iha hela de’it faze promesa, seidauk iha realidade.
Notisia relevante: COVID-19: Governu Aprezenta Planu Kada Uma Kain Hetan $ 100
Pakote husi medida sira ne’e fahe ba área prinsipal 8 (ualu) no inklui medida relativa sira ba distribuisaun ba sasan esensial sira, liña kréditu, izensaun fiskais no subsídiu sira ba sidadaun sira. Área danen kona-bá, despeza públika hanesan antesipasaun ba pagamentu saláriu sira, benefisiu sosial sira. Área dahitu nian kona-bá, kriasaun liña kréditu ho taxa ne’ebé menus.
“Área daualu nian ba asistensia direta, mak hanesan apoiu diretu sira ba populasaun no empreza sira, ho objetivu atu garante kada familia hetan rendimentu dólares amerikanu 100 kada fulan, ho fornesimentu husi partisipasaun salarial hamutuk ho empregadór sira atu fó subsidia ba trballador nain 3000 ho inzensaun ba pagamentu husi kontribuisaun seguransa sosial husi traballadór sira no husi empregadór sira no ho izensaun ba pagamentu ba emprezáriu sira ne’ebé aluga iha propriedade Estadu nian,” esplika komunikadu ba imprensa ne’ebé Oe-Kusi Post asesu iha Sentru Konvensaun Dili, Kuarta 8 Abril 2020.
