Oekusipost.com Dili - Ministériu Ko ordenador ba Assuntu E konómiku aprezenta ona planu ekonómiku hodi fó resposta ba implikasaun negativa ne'ebé provoka husi virus corona (COVID-19) ba ekonómia nasionál iha reuniaun Konsellu Ministru ne'ebé hala'o iha loron Kuarta 8 Abril 2020.
Proposta kada uma kain sira atu hetan osan $100 durante Estadu emerjénsia ne’e aprezenta husi Ministru Koordenadór ba Assuntu Ekonómiku iha ezersísiu, Fidelis Manuel Leite Magalhães.
Pakote husi medida sira ne’e fahe ba área prinsipal 8 (ualu) no inklui medida relativa sira ba distribuisaun ba sasan esensial sira, liña kréditu, izensaun fiskais no subsídiu sira ba sidadaun sira. Área danen kona-bá, despeza públika hanesan antesipasaun ba pagamentu saláriu sira, benefisiu sosial sira. Área dahitu nian kona-bá, kriasaun liña kréditu ho taxa ne’ebé menus.
“Área daualu nian ba asistensia direta, mak hanesan apoiu diretu sira ba populasaun no empreza sira, ho objetivu atu garante kada familia hetan rendimentu dólares amerikanu 100 kada fulan, ho fornesimentu husi partisipasaun salarial hamutuk ho empregadór sira atu fó subsidia ba trballador nain 3000 ho inzensaun ba pagamentu husi kontribuisaun seguransa sosial husi traballadór sira no husi empregadór sira no ho izensaun ba pagamentu ba emprezáriu sira ne’ebé aluga iha propriedade Estadu nian,” esplika komunikadu ba imprensa ne’ebé Oe-Kusi Post asesu iha Sentru Konvensaun Dili, Kuarta 8 Abril 2020.
Hadia: Notisia The Oe-Kusi Post ho títulu COVID-19: Governu Aprova Kada Uma Kain Hetan $ 100 foin mak iha faze aprezentasaun. Seidauk hetan desijaun final husi Konsellu Ministru sira. B a sala ida ne'e, redasaun hadia fali ona no husu deskulpa ba le'e nain sira.
