DILI (TOP) — Prezidente Repúblika (PR), José Ramos Horta hateten nia sei dekreta lei ba eleisaun parlamentar iha fulan Fevereiru iha tinan 2023 hodi hili deputadu sira ne’ebé reprezenta povu iha Parlamentu Nasionál.
Prezidente Repúblika ne’e informa, kona-ba dekreta loron seidauk fiksu maibé iha fulan fevereiru ba tinan 2023 ne’e, sei dekreta tanba nia hare tuir de’it kalendariu tinan 2018 ninian.
“Fulan Fevereiru ha’u tenke dekreta no minimu tenke 80 dias antes tenke dekreta ba data eleisaun hau la-hatene em que dia más fulan Fevereiru sim. Hau tuir de’it kalendariu ba tinan 2018 nian ,” deklara Prezidente Repúblika, José Ramos Horta ba jornalista sira hafoin vizita kortejia Intitutu Superior Cristal, Dili, Kinta 10 Novembru 2022.
Horta dehan, maske nasaun Timor Leste votante oituan deit maibé partidu sira barak tanba depois hetan kadeira rua iha parlamentu nasionál, para depois husu tau Ministru ida, assessor kada sekretariu estadu ida depois ba litik avó Nana, ba litik avo Mari Alkatiri.
“Ami apoia tenke hakarak fó pasta ba ami mesmu ke kadeira rua ka kadeira lima deit hakarak vise Primeiru Minsitru kedas, hakarak ministru interior depois kada ministru lori assessor lubuk ida tur hela iha baranda,” nia dehan.
Horta hatutan, nia hanoin iha nasaun amerika nasaun partidu rua de’it ne’e diak liu, ka nasaun koreia do Norte partidu laiha di’ak liu iha koreia do norte laiha debate iha televizaun ba debate halibar fali ho prezidente Kim Jong-un.
